Accessibility links

منداڵێـکی دیکە بە هاوشێوەی ئالان لە کەنارەکانی تورکیا دەخنکێت

  • VOA News

منداڵێـکی دیکە بە هاوشێوەی ئالان کوردی لە نزیک کەنارەکانی تورکیا خنکاوە، پاش هەڵگەڕانەوەی بەلەمەکەی تیایدا بوو لەگەڵ 14 کەسی دیکە.

بەپـێی ئاژانسی دەنگ‌وباسی فڕانس پـرێس منداڵەکە کچێـکی خەڵکی سوریایە و تەمەنی 4 سـاڵ بووە لەگەڵ 14 کەسی دیکە کە هەشتیان منداڵ بوون و بە نیازبوون بەو بەلەمە بەرەو یۆنان بڕۆن شکستیان هێناوە.

تەرمی منداڵەکە لە نزیک کەناری شاری چەشمە لە پارێزگای ئزمیر دۆزراوەتەوە و پاسەوانانی دەریای تورکیا توانیویانە 14 کەسەکەی دیکە ڕزگاربکەن.

هاوکات جێگری سەرۆک وەزیری تورکیا نوعمان کورتولموس ڕۆژی هەینی ڕایگەیاند لە سەرەتای ئەمساڵەوە هەتا ئێسـتا 274 کەس لە کەنارەکانی تورکیا خنکاون و توانیویانە زیاتر لە 53 هەزار کەس ڕزگاربکەن

پاشان گوتی لەوەتای شەڕی سوریا لە سـاڵی 2011 وە دەسـتیپـێکردووە، تورکیا 2.2 ملیۆن پەنابەری وەرگرتووە و نزیکەی 7.6 ملیار دۆلاری بۆ خەرج کردوون.

XS
SM
MD
LG