Accessibility links

تورکیا دەڵێت ئۆپەراسیۆنێکی گەورەی دەستپێکردووە بۆ دەستگیرکردنی ئەندام و لایەنگرانی پەکەکە

  • VOA News

چەند سەرچاوەیەکی ئاسایش لە تورکیا بۆ ئاژانسی دەنگ‌وباسی فڕانس پـرێسیان ڕاگەیاند ئەمڕۆ دووشەممە لە باشوری ڕۆژهەڵاتی وڵاتەکە یەکێک لە گەورەترین ئۆپەراسیۆنەکانیان دەسـتپێـکردووە.

سەرچاوەکان گوتویانە نزیکەی 700 جەندرمە و 600 سەربازی هێزی تایبەت بە پاڵپشتی دەیان تانک و هەلیکۆپتەر ئۆپەراسیۆنەکە لە ناوچەی لجێی پارێزگای ئامەد ئەنجام دەدەن.

فەرمانڕەوای ئامەد گوتی قەدەغەی هاتوچۆ هەتا کاتێکی نادیاریکراو لە 18 گوندی ناوچەی لجێ ڕاگەیاندراوە. گوتیشی ئامانجی ئۆپەراسیۆنەکە بۆ دەسـتگیرکردنی ئەندام و لایەنگرانی پەکەکەیە.

ئەم ئۆپەراسیۆنە لە کاتێکدا ئەنجام دەدرێت کە مانگی داهاتوو ڕیفراندۆمی گشتی سازدەکرێت بۆ دەنگدان لەسەر هەموارکردنی دەستوری وڵاتەکە تاوەکو سیستەمی حوکمڕانی لە پەرلەمانیـیەوە بۆ سەرۆکایەتی بگۆڕدرێت.

XS
SM
MD
LG