Accessibility links

کاربه‌ده‌ستانی تورکیا ده‌ڵێن بومه‌له‌رزه‌یه‌ک به‌ هێزی شه‌ش و له‌ ده‌دا یه‌ک باشوری ڕۆژئاوای تورکیای هه‌ژاندووه‌.

نێوه‌ندی کاندیلی بۆ چاودێری بومه‌له‌رزه‌ ده‌ڵێت نێوه‌ندی بومه‌له‌رزه‌که‌ له‌ شارۆچکه‌ی ئولوده‌نیز بووه‌ که‌ ده‌که‌ویته‌ سه‌ر ده‌ریای ئیجه‌ .

بومه‌له‌رزه‌که‌ له‌ پاش نیوه‌ڕۆی ئه‌مڕۆ یه‌کشه‌ممه‌ له‌ ناوچه‌که‌ی داوه‌.

ئاژانسی ده‌نگ و باسی ئه‌سیۆشێتد پرێس ده‌ڵێت ته‌له‌فزیۆنی تورکیا ته‌نها ئاماژه‌ی به‌ برینداربوونی ژماره‌یه‌ک خه‌ڵک کردووه‌، به‌ڵام هیچ ژماره‌یه‌کی بڵاو نه‌کردۆته‌وه‌.

نێوه‌ندی کاندیلی به‌دوای بومه‌له‌رزه‌که‌شدا ورده‌ بومه‌له‌رزه‌ی تر هه‌بوون و هێزه‌کانیان له‌ شه‌شه‌وه‌ بووه‌ بۆ چوار و له‌ ده‌دا نۆ به‌ پێوانه‌ی ڕێخته‌ر.

دانیشتوان ده‌ڵێن له‌ شارێکی به‌نده‌ری دووری وه‌ک ئیزمیره‌وه‌ که‌ هه‌ر ده‌که‌وێته‌ سه‌ر ده‌ریای ئیجه‌ و له‌ شاری ئه‌نتالیای سه‌ر ده‌ریای ناوه‌ڕاستیشه‌وه‌ هه‌ست به‌ بومه‌له‌رزه‌که‌ کراوه.‌

XS
SM
MD
LG