کەسێـک بە چەقۆوە هەوڵی دابوو هێرش بکاتە سەر باڵیۆزخانەی ئیسرائیل لە ئەنکەرەی پایتەختی تورکیا، بەڵام لە لایەن پاسەوانێـکی باڵیۆزخانەکەوە تەقەی لێکرا و بە برینداری دەسـتگیرکرا.
هەوڵی هێرشەکە بەیانی ئەمڕۆ چوارشەممە درابوو و بەپـێی پـۆلیسی تورکیا کەسە بە هاواری "الله اکبر" وە بەرەو باڵیۆزخانەکە چووە و لە لایەن پاسەوانێـکەوە گولـلە بەر لاقێـکی نراوە.
ئۆفیسی فەرمانڕەوای ئەنکەرە بەیانـنامەیەکی لەم بارەیەوە بڵاوکردەوە و تیایدا نووسیویەتی کەسەکە ناوی عوسمان نوری چاڵشکانە و لە دایکبووی ساڵی 1975 ی شاری کونیەیە و هیچ زانیاریـیەکیان لەسەری نیـیە ئایا پەیوەندی بە تێرۆرەوە هەیە یان نا.
دەشڵێت چەقۆیەکی پێ بووە درێژیـیەکەی 30 سانتیمەتر بووە لەگەڵ جانتایەک و بەپـێی لێکۆڵینەوە سەرەتایـیەکان پـێدەچێت مێشکی تەواو نەبێت.
ئیمانۆێل نەحشۆن گوتەبێژی وەزارەتی دەرەوەی ئیسرائیل لە ئۆرشەلیم گوتی هیچ کارمەندێـکی باڵیۆزخانەکە زیانی پـێـنەگەیشتووە و هێشتا زانیاری وردیان لە بارەی هەوڵی هێرشەکەوە پێ نەگەیشتووە.