Accessibility links

پارتی کرێکارانی کوردسـتان ئاگربه‌سته‌که‌ی خۆی درێژ ده‌کاته‌وه‌

  • Dorian Jones

پارتی کرێـکارانی کوردسـتان به‌ ڕێـگای ماڵپه‌ڕێـکی هه‌واڵی کوردیـیه‌وه‌ ڕایگه‌یاند که‌وا ئاگربه‌سـته‌ یه‌ک لایه‌نه‌که‌ی بۆ ماوه‌ی هه‌فته‌یه‌ک درێژ ده‌کاته‌وه‌ بۆ چاودێریکردنی پـێشـهاته‌ سیاسیـیه‌کان.

ئه‌و ڕاگه‌یاندنه‌ دوابه‌دوای ئه‌و بایکۆته‌ سه‌رکه‌وتووه‌ بوو له‌مه‌ڕ ڕیفراندۆمێـک له‌سه‌ر ڕیفۆرمکردنی ده‌سـتور که‌ له‌ سه‌ره‌تای ئه‌م مانگه‌ له‌ لایه‌ن پارتیـیه‌کی قانونی سه‌ره‌کی سه‌ر به‌ کوردان له‌ تورکیا بانگه‌وازی بۆ کرا، واته‌ له‌ لایه‌ن پارتی ئاشتی و دیموکراسی (به‌ده‌په‌).

نووسه‌ری سیاسی سۆلی ئۆزال له‌ ڕۆژنامه‌ی تورکی (خه‌به‌ر تورک) ده‌ڵێت ئه‌و په‌یامه‌ی که‌ کورده‌کان له‌ ده‌نگدانه‌که‌ ڕایانگه‌یاند له‌ پـشـت بڕیاره‌که‌ی سه‌رهه‌ڵـداوانی په‌که‌که‌وه‌ بوو.

سۆلی ئۆزال ده‌ڵێت له‌ کاتدا دوو په‌یامی داوه‌. هاوکاتی ئه‌وه‌ی که‌وا هه‌رچیـیه‌کی په‌که‌که‌ و به‌ده‌په‌ پـێـیان بڵێن بیکه‌ن ئه‌وا ئه‌نجامی ده‌ده‌ن، به‌ڵام بێزار و ماندوشن له‌ توندوتیژی، ئه‌وه‌ش مانای ئه‌وه‌یه‌ که‌ ده‌بێت ڕێـگایه‌ک هه‌بێت که‌ به‌ ڕاستی واز له‌ توندوتیژی بهێنرێت و ئه‌م کێشه‌یه‌ به‌ ڕێـگای سـیاسـیه‌وه‌ چاره‌سه‌ر بکرێت، وه‌ من پـێموایه‌ په‌که‌که‌ش گوێ به‌و بانگه‌وازه‌ ده‌دات.

شـایانی ئاماژه‌ پـێـکردنه‌ له‌ مانگی هه‌شت پارتی کرێـکارانی کوردسـتان گوتی بانگه‌وازه‌که‌ی بۆ ئاگربه‌سته‌که‌ی وه‌ک ڕێزگرتنێـک بوو بۆ مانگی ڕه‌مه‌زانی موسـڵمانان. ئه‌و ئاگربه‌سته‌ داوابه‌دوای په‌ره‌سه‌ندنێـکی مه‌زن بوو له‌ شه‌ڕکردن له‌ چه‌ند مانگێـکی ڕابردوو که‌وا زیاتر له‌ 100 سه‌ربازی تورک تیایدا کوژران، ئه‌و په‌ره‌سه‌ندنه‌ش بووه‌ مایه‌ی به‌رپاکردنی مه‌ترسی ئه‌وه‌ی که‌وا وڵاته‌که‌ خه‌ریکه‌ جارێـکی دیکه‌ به‌ره‌و شه‌ڕێـکی ته‌واو ده‌ڕوات.

سه‌رهه‌ڵـداوه‌کان شه‌ڕ بۆ مافی مه‌زنتری که‌لتوری و په‌روه‌رده‌ی کوردی و خودموختاری ده‌که‌ن.

لێـکۆڵه‌ری سیاسی نورای مێرت ده‌ڵێت تا کاتی ڕیفراندۆمه‌که‌ حکومه‌تی تورکیا پارتی ئاشـتی و دیموکراسی، واته‌ به‌ده‌په‌ی ڕه‌تده‌کرده‌وه‌ وه‌ک ئه‌وه‌ی که‌ له‌ ڕووی سـیاسیـیه‌وه‌ جێـگای په‌سه‌ند نیـیه‌ و پـشـتیوانێـکی تێرۆریزمه‌.

نورای مێرت ده‌ڵێت حکومه‌تی تورکیا هه‌میشه‌ ئه‌وانی وا پـێناسه‌کردووه‌ یاخود له‌قه‌ڵه‌م داوه‌ وه‌ک شـتێـکی لاوه‌کی و ده‌سه‌ڵاتێـکی سـنوورداری هه‌یه‌ له‌ هه‌رێـمه‌که‌دا و ده‌ڵێت ئه‌وان هێز و توندوتیژی به‌کارده‌هێنن بۆ وه‌ده‌سـتهێنانی ئه‌م ده‌سه‌ڵاته‌، ئه‌گه‌ینا خه‌ڵـک له‌ هه‌رێـمه‌که‌دا ئاماده‌ن پـشـتیوانی له‌ حکومه‌ت بکه‌ن.

به‌ڵام نووسه‌ری سیاسی سۆلی ئۆزال ده‌ڵێت بۆ وه‌به‌رچاوگرتنی ئه‌وه‌ی که‌ زۆرینه‌یه‌کی هه‌ره‌ زۆری کورده‌کانی تورکیا له‌گه‌ڵ داوای پارتیـیه‌که‌ بوون بۆ بایکۆتکردنی یفراندۆمه‌که‌ په‌یامێـکی به‌هێزی به‌ حکومه‌ت دا.

سۆلی ئۆزال: به‌ڵی ئه‌گه‌ر تۆ چاره‌سه‌رکردنێـکی ئاشـتیـیانه‌ی ئه‌م کێشه‌یه‌ت به‌ لاوه‌ گرنگ بێت، ئه‌وا وه‌ک شـتێـکی بنه‌ڕه‌تی ده‌بێت له‌گه‌ڵ ئه‌و که‌سـانه‌ی گفتوگۆ بکه‌یت ئه‌وان وه‌ک به‌شـدارێـک له‌ وتووێژه‌کان وه‌ربگریت.

سه‌رۆک وه‌زیری تورکیا ڕه‌جه‌ب ته‌یب ئه‌ردۆگان پـێده‌چێت ئه‌و په‌یامه‌ وه‌به‌رچاوبگرێت و ڕازیـبـبێت له‌گه‌ڵ ئه‌ندامه‌ سه‌ره‌کیـیه‌کانی پارتی ئاشـتی و دیموکراسی کۆبـبێته‌وه‌. به‌ڵام کوشـتی 12 کورد له‌ هه‌فته‌ی ڕابردوو به‌ مینێـکی چێنراو کۆتایی به‌ نه‌خشه‌کان بۆ کۆبوونه‌وه‌که‌ هێنا.

سه‌ره‌ک وه‌زیر ئه‌ردۆگان وه‌باڵی گوشـتنه‌کانی خسته‌ ئه‌ستۆی په‌که‌که‌وه‌ و پارتی ئاشتی و دیموکراسی تۆمه‌تبارکرد سه‌باره‌ت به‌وه‌ی که‌ له‌ ڕووی تاکتیکیـیه‌وه‌ به‌رپـرسیارن له‌ په‌لاماره‌که‌دا. به‌ڵام فشـار له‌سه‌ر سه‌ره‌ک وه‌زیر خه‌ریکه‌ په‌ره‌ ده‌سێنێت و نزیکه‌ 200 نووسه‌ر و ئه‌کادیمی و چالاکوانانی ڕێـکخراوی سیڤیلی گووتوویانه‌ حکومه‌ته‌که‌ و ئۆپـۆزیسـیۆن پـێویسته‌ له‌گه‌ڵ پارتی ئاشـتی و دیموکراسی کۆبـبنه‌وه‌ بۆ دۆزینه‌وه‌ی چاره‌سه‌ره‌یـیه‌ک بۆ کێشه‌ی کوردی.

ئه‌م هه‌فته‌یه‌ ئه‌و پارتیه‌ کوردیـه‌ ده‌ستی به‌ بایکۆتکردنێـکی یه‌ک هه‌فته‌یی خوێندن کرد وه‌ک به‌شێک له‌ هه‌ڵمه‌ته‌که‌ی بۆ ئه‌وه‌ی کوردی له‌ خوێندندا به‌کاربێت.

سۆلی ئۆزال ده‌ڵێت ئه‌و هه‌ڵمه‌ته‌ به‌شێـکه‌ له‌ پـرۆسه‌یه‌کی نوێی خه‌باتی کوردیدا.

سۆلی ئۆزال: ئێسـتا توندوتیژی شتێـکی سه‌رشێتانه‌یه‌ که‌ ئایا یاخیبوونی سیڤیلی له‌ خزمه‌تی کورددا ده‌بێت ئه‌مه‌ شتێـکی جیایه‌. به‌ڵام ئه‌مانه‌ ڕێـگایه‌کی گه‌لێـک ژیرانه‌تره‌ که‌وا هێزی ده‌سه‌ڵاتی خۆیان بخه‌نه‌ ڕوو له‌وه‌ی له‌ ڕێـگای کوشـتنکاریـیه‌وه‌، ئینجا ئه‌گه‌ر سه‌ربازان بن یان که‌سـانی بێ‌گوناهبن.

ئه‌و هه‌ڵمه‌ته‌ له‌ لایه‌ن حکومه‌ته‌وه‌ مه‌حکوم کراوه‌ و هۆشـداری به‌ دایک و باوکان داوه‌ ئه‌وانه‌ی به‌شـداری ئه‌م هه‌ڵمه‌ته‌ بکه‌ن، ئه‌وا به‌ره‌و ڕووی سـزا ده‌بنه‌وه‌. گرتنی کاربه‌دسـتانی پارتی ئاشتی و دیموکراسی و لایه‌نگرانی به‌پـێی قانونه‌کانی دژه‌ تێرۆری تورکیا هه‌ر به‌رده‌وامن. وا ڕاگه‌یاندراوه‌ که‌وا له‌مانگی ڕابردوو زیاتر 500 که‌س گیرابن.

بابه‌تی په‌یوه‌ندیدار

XS
SM
MD
LG