Accessibility links

بۆمبێـک له‌ نزیـک ئۆفیسه‌کانی پارتی ده‌سه‌ڵاتدار له‌ ئسته‌نبوڵ ده‌ته‌قێته‌وه‌ و 10 پـۆلیس بریندارده‌بن

  • VOA News

کاربه‌ده‌سـتانی تورکیا ده‌ڵێن بۆمبێـک به‌ ئامێری بێ ته‌ل له‌ نزیـک ئۆفیسه‌کانی پارتی ده‌سه‌ڵاتدار له‌ ئسته‌نبوڵ ته‌قیوه‌ته‌وه‌ و له‌ ئاکامدا به‌ لایه‌نی که‌م 16 که‌س برینداربوون و زۆربه‌یان له‌ هێزه‌کانی پـۆلیس بوون.

سه‌رۆکی پـۆلیسی ئسته‌نبوڵ حسێن چاپـکین گوتی به‌یانی پـێـنجشه‌ممه‌ بۆمبێـک به‌ ماتۆرسکیلێـکه‌وه‌ کرابوو و له‌و ده‌مه‌دا ته‌قێنراوه‌ته‌وه‌ که‌ پاسێـک به‌ لایدا تێپـه‌ڕیوه‌ 21 پـۆلیسی هه‌ڵـگرتبوو.

که‌ناڵه‌کانی ته‌له‌فیزیۆنی ده‌وڵه‌تی تورکیا ڤیدیۆیان بڵاوکرده‌وه‌ که‌ تیایدا نیشـان ده‌درا ئه‌نبوڵانس و ماشێـنه‌کانی ئاگرکوژێنه‌وه‌ به‌ره‌و شوێنی ڕووداوه‌که‌ به‌ خێرایی ده‌ڕۆیشـتن که‌ ده‌که‌وێته‌ نزیـک ئۆفیسه‌کانی پارتی داد و گه‌شه‌پـێدانی سه‌رۆک وه‌زیر ڕه‌جه‌ب ته‌یب ئه‌ردۆگان.

ته‌قینه‌وه‌که‌ زیانی به‌ پاسه‌که‌ی پـۆلیس و چه‌ند ئۆتۆمبیلێـکی دیکه‌ش گه‌یاند.

هه‌تا ئاماده‌کردنی ئه‌م هه‌واڵه‌ که‌س به‌رپـرسیارێتی خۆی له‌و هێرشه‌ ڕانه‌گه‌یاند.

XS
SM
MD
LG