Accessibility links

ئه‌ردۆگان به‌ڵێن ده‌دات هاوکاری له‌گه‌ڵ ئۆپۆزسیۆندا بکات

  • VOA News

سه‌رۆک وه‌زیری تورکیا ڕه‌جه‌ب ته‌یب ئه‌ردۆگان وتارێـک پـێشـکه‌شی لایه‌نگرانی ده‌کات له‌ باره‌گای پارته‌که‌ی له‌ ئه‌نکه‌ره‌، شه‌وی یه‌کشه‌ممه‌ 12 ی شه‌شی 2011

سه‌رۆک وه‌زیری تورکیا ڕه‌جه‌ب ته‌یب ئه‌ردۆگان وتارێـک پـێشـکه‌شی لایه‌نگرانی ده‌کات له‌ باره‌گای پارته‌که‌ی له‌ ئه‌نکه‌ره‌، شه‌وی یه‌کشه‌ممه‌ 12 ی شه‌شی 2011

سه‌رۆک وه‌زیر تورکیا ڕه‌جه‌ب ته‌یب ئه‌ردۆگان په‌یمانی داوه‌ ده‌سـتی هاوکاری بۆ ئۆپـۆزسیۆن درێژ بکات پاش ئه‌وه‌ی پارته‌که‌ی له‌ هه‌ڵبژاردنه‌ په‌رله‌مانیـیه‌که‌ی ڕۆژی یه‌کشه‌ممه‌دا سه‌رکه‌وتنێـکی گه‌وره‌ی به‌ده‌سـتهێنا.

له‌گه‌ڵ ئه‌وه‌شـدا‌ پارتی داد و گه‌شه‌پـێدان نه‌یتوانی دوو له‌سه‌ر سێی کورسیـیه‌کان به‌رێته‌وه‌ که‌ پـێویسته‌ بۆ گۆڕینی ده‌سـتور. به‌ڕێز ئه‌ردۆگان گوتی ئه‌نجامی ده‌نگدانه‌که‌ نیشـانی ده‌دات که‌وا ده‌سـتوری نوێ پـێویسته‌ به‌ ڕێـکه‌وتن و سه‌وداکردن دابنرێت.

به‌ڕێز ئه‌ردۆگان په‌یمانی داوه‌ ده‌سـتوری وڵاته‌که‌ هه‌موار بکرێت ئه‌وه‌ی له‌ سـاڵی 1982 وه‌ له‌ ژێر حوکمڕانی له‌شـکریدا نووسراوه‌.

به‌پـێی ئه‌نجامه‌ سه‌ره‌تایـیه‌کان له‌و 550 کورسیـیه‌ی په‌رله‌مانی تورکیا، پارتی داد و گه‌شه‌پـێدان (ئه‌که‌په‌) 326 کورسی بردۆته‌وه‌ و پارتی گه‌لی کۆماری (جه‌هه‌په‌) 135 کورسی و پارتی بزوتنه‌وه‌ی نیشتیمانی (مه‌هه‌په‌) 53 و کورده‌کانیش که‌ کاندیده‌کان سه‌ربه‌خۆیانه‌ به‌شـداریان له‌ هه‌ڵبژاردنه‌کاندا کردبوو 36 کورسیـیان به‌ده‌سـتهێناوه‌.

XS
SM
MD
LG