Accessibility links

خه‌ڵـکی تورکیا په‌رله‌مانی نوێی وڵاته‌که‌یان هه‌ڵده‌بژێرن

  • VOA News

ژنێـک له‌ بنکه‌یه‌کی ده‌نگدان له‌ ئه‌نقه‌ره‌ی پایته‌خت ده‌نگی خۆی ده‌دات، یه‌کشه‌ممه‌ 12 ی شه‌شی 2011

ژنێـک له‌ بنکه‌یه‌کی ده‌نگدان له‌ ئه‌نقه‌ره‌ی پایته‌خت ده‌نگی خۆی ده‌دات، یه‌کشه‌ممه‌ 12 ی شه‌شی 2011

هاوڵاتیانی تورکیا ئه‌مڕۆ یه‌کشه‌ممه‌ به‌ره‌و بنکه‌کانی ده‌نگدان ده‌ڕۆن به‌ مه‌به‌سـتی هه‌ڵبژاردنی په‌رله‌مانێـکی نوێی وڵاته‌که‌یان.

سه‌رۆک وه‌زیری تورکیا ڕه‌جه‌ب ته‌یب ئه‌ردۆگان و پارته‌که‌ی پارتی داد و گه‌شه‌پـێدان خۆیان داناوه‌ بۆ ئه‌وه‌ی سه‌رکه‌وتن به‌ده‌سـتبهێنن و بۆ سێـیه‌م جار له‌سه‌ر یه‌ک گه‌ڕی حوکمڕانی وڵاته‌که‌ به‌رنه‌وه‌.

به‌ باشبوونی باری ئابوری وڵاته‌که‌ و زیادبوونی ڕۆڵی تورکیا له‌ مه‌سه‌له‌ سیاسیـیه‌کانی جیهان، ئێسـتا پارتی داد و گه‌شه‌پـێدان خوازیاره‌ دوو له‌سه‌ر سێی ده‌نگه‌کان بـباته‌وه‌ که‌ ئه‌وه‌ش ڕێـگه‌ی پـێده‌دات به‌ سـانایی گۆڕانکاری له‌ ده‌سـتوردا بکات.

ڕه‌خنه‌گران ده‌ڵێن به‌ڕێز ئه‌ردۆگان ده‌یه‌وێت سـیسـته‌می حوکمڕانی بکات به‌ سیسـته‌می سه‌رۆکایه‌تی و خۆشی بـبێت به‌ سه‌رۆک.

سه‌باره‌ت به‌م هه‌ڵبژاردنه‌ خه‌جیجان فارقین په‌یامنێری ده‌نگی ئه‌مه‌ریکا له‌ دیاربه‌کر ڕاپـۆرتی ناردووه‌، ده‌توانن گوێبیسـتی بن له‌ ڕێـگه‌ی كلیـكـكردنی ئه‌و فایله‌ ده‌نـگیـیانه‌ی سه‌ره‌وه‌ی ده‌سته‌ چه‌پ‌، ماوه‌كه‌ی 4:41 خوله‌كه‌.

XS
SM
MD
LG