Accessibility links

پارتێـکی ئیسلامی سه‌رکه‌وتنی خۆی له‌ هه‌ڵبژاردنه‌کانی تونس ڕاده‌گه‌یه‌نێت

  • VOA News

ڕاشد ئه‌لغه‌نوشی ڕێبه‌ری بزوتنه‌وه‌ی ئه‌لنه‌هزه‌ی تونس

ڕاشد ئه‌لغه‌نوشی ڕێبه‌ری بزوتنه‌وه‌ی ئه‌لنه‌هزه‌ی تونس

پارتێـکی ئیسلامی تونسی میانڕه‌و هه‌نگاوی ناوه‌ بۆ پـێـکهێنانی حکومه‌تێـکی هاوبه‌ندی نوێ دوای ئه‌وه‌ی ڕایگه‌یاند له‌ هه‌ڵبژاردنه‌که‌ی ڕۆژی یه‌کشه‌ممه‌‌ به‌شی ئه‌وه‌ ده‌نگی به‌ده‌سـتهێناوه‌ که‌ ده‌توانێت سه‌رکه‌وتنی خۆی ڕابگه‌یه‌نێت.

چاوه‌ڕوانده‌کرێت ئه‌نجامی فه‌رمی هه‌ڵبژاردنه‌که‌ ئه‌مڕۆ سێشه‌ممه‌ ڕابگه‌یه‌ندرێت، به‌ڵام به‌پـێی ئه‌نجامه‌ سه‌ره‌تایـیه‌کان پارتی ئه‌لنه‌هزه‌ (النهضة) نزیکه‌ی 40% ی ده‌نگه‌کانی به‌ده‌سـتهێناوه‌. مه‌زه‌نده‌ش ده‌کرێت ڕه‌نگه‌ بگاته‌ 50% .

ئه‌لنه‌هزه‌ ده‌ڵێت ئه‌و خۆی بۆ پـێـکهێنانی حکومه‌تێـک ئاماده‌ ده‌کات به‌ هاوشێوه‌ی پارتی داد و گه‌شه‌پـێدانی‌ تورکیا.

سه‌رۆکی پـێشـووی پـیرۆ ئێلخاندرۆ تۆلیدۆ که‌ له‌ نێو ئه‌و هه‌زاران چاودێره‌دا بوو که‌ سه‌یری چۆنێتی به‌ڕێوه‌چوونی هه‌ڵبژاردنه‌که‌یان ده‌کرد، گوتی ده‌نگدانه‌که‌ نه‌ک هه‌ر ئازاد و ڕه‌وا بوو‌، به‌ڵـکو نمونه‌ییش بوو.

XS
SM
MD
LG