Accessibility links

تونس حکومه‌تی نوێ ڕاده‌گه‌یه‌نێت

  • VOA News

محه‌مه‌د ئه‌لغه‌نوشی سه‌ره‌ک وه‌زیری تونس له‌ ده‌می ڕاگه‌یاندنی حکومه‌تی نوێی وڵاته‌که‌ی، دووشه‌ممه‌ 17 ی یه‌کی 2011

محه‌مه‌د ئه‌لغه‌نوشی سه‌ره‌ک وه‌زیری تونس له‌ ده‌می ڕاگه‌یاندنی حکومه‌تی نوێی وڵاته‌که‌ی، دووشه‌ممه‌ 17 ی یه‌کی 2011

سه‌ره‌ک وه‌زیری تونس حکومه‌تێـکی هاوپه‌یمانی نوێی ڕاگه‌یاند هاوکاتی ئه‌وه‌ی هێزه‌ ئاسایشیـیه‌کانی وڵاته‌که‌ گازی فرمێسـک ڕژێن و ئاویان به‌کارهێناوه‌ بۆ بڵاوه‌پـێـکردنی خۆپـیشـانده‌ران له‌ شـاری تونسی پایته‌خت.

محه‌مه‌د ئه‌لغه‌نوشی سه‌ره‌ک وه‌زیر وتوویه‌تی وه‌زیره‌کانی به‌رگری و ناوخۆ و کاروباری ده‌ره‌وه‌یی له‌ پـۆسته‌کانی خۆیاندا ده‌مێنـنه‌وه‌.

زه‌ین ئه‌لعابدین بن عه‌لی سه‌رۆکی له‌کار لادراوی تونس له‌ ئاکامی سه‌رهه‌ڵـدانی وڵاته‌که‌ له‌ هه‌فته‌ی ڕابردوودا تونسی جێهێشت.

نه‌جیب ئه‌لشـابی دامه‌زرێنه‌ری پارتی ئۆپـۆزسیۆن و دوو ڕێبه‌ری تری ئۆپـۆزسیۆنیش پـۆسـتیان له‌ کابینه‌ی حکومه‌تدا ده‌بێت.

هێزه‌ ئاسایشـیـیه‌کان له‌ هه‌وڵی هێورکردنه‌وه‌ی خۆپـیشـاندانه‌کاندان و هه‌لێـکۆپـته‌ره‌کانیش به‌ ئاسـمانی پایته‌ختدا ده‌سوڕێنه‌وه‌.

هاوکات هێشـتاش تانکه‌کانی له‌شـکر به‌ شێوه‌یه‌کی زۆر له‌ ناو پایته‌ختدان و هه‌روه‌هاش پـۆلیسی دژه‌ ئاژاوه‌ له‌ ناو شه‌قامه‌کاندا بڵاوبوونه‌ته‌وه‌ و هێشـتاش زۆرێـک له‌ بازاڕ و کارداریـیه‌کانیش هه‌ر داخراون.

ئه‌لغه‌نوشی سه‌ره‌ک وه‌زیر گوتوویه‌تی وڵاته‌که‌ به‌ ئاڕاسـته‌ی ڕوونی و ئاشـکرایی و هه‌ڵبژاردنی ڕه‌وا ده‌ڕوات، واش بڕیاره‌ له‌ ماوه‌ی 60 ڕۆژی داهاتوودا هه‌ڵبژاردنی سه‌رۆکایه‌تی وڵاته‌که‌ بکرێت.

بابه‌تی په‌یوه‌ندیدار

XS
SM
MD
LG