سەرۆکی ئەمەریکا دانۆڵد ترامپ لە سعودییەوە گەیشتە ئیسرائیل و لەوێش چاوی بە سەرۆک وەزیری ئیسرائیل بنیامین ناتانیاهۆ و سەرۆکی فەڵەستین مەحمود عەباس دەکەوێت لە هەوڵیدا بۆ زیندووکردنەوەی ئاشتی
فڕۆکەکەی سەرۆک ترامپ لە فڕۆکەخانەی جۆرییۆن لە تەل ئەبیب نیشتەوە و ئەمەش بە یەکەم گەشتی ئاسمانی ڕاستەوخۆ دادەنرێت لە ڕیازەوە بۆ ئیسرائیل.
سەرۆک ترامپ لە قۆناغی یەکەمی گەشتە نۆ ڕۆژییەکەیدا بۆ ڕۆژهەڵاتی ناوەڕاست و ئەوروپا دوو ڕۆژ لە سعودیە مایەوە و ئەمەش یەکەم گەشتی سەرۆک ترامپە بۆ دەرەوە لەو کاتەوە کە بۆتە سەرۆکی ئەمەریکا.
سەرچاوە/ ڕۆیتەرز