Accessibility links

تۆیۆتا هه‌نارده‌کانی خۆی بۆ ئێران ڕاده‌گرێت

  • VOA News

کۆمپانیای تۆیۆتای ژاپـۆنی ده‌ڵێت ئه‌و هه‌نارده‌کانی خۆی بۆ ئێران ڕاگرتووه‌ چونکه‌ فشـاری نێونه‌ته‌وه‌یی له‌سه‌ر ئه‌و کۆمپانیایانه‌ هه‌یه‌ که‌ کارداری له‌گه‌ڵ ئه‌و وڵاته‌دا ده‌که‌ن.

ڕۆژی چوارشه‌ممه‌ نوێنه‌ری تۆیۆتا ئه‌م بڕیاره‌ی ڕایگه‌یاند و ئاماژه‌ی به‌و سزا نێونه‌ته‌وه‌یی‌یانه کرد که‌ له‌ لایه‌ن ئه‌مه‌ریکا و نه‌ته‌وه‌ یه‌کگرتووه‌کانه‌وه‌ به‌سه‌ر ئێراندا سه‌پێنراون له‌سه‌ر به‌رنامه‌ ناوکیـیه‌که‌ی.

ئه‌م هه‌نگاوه‌ کاریگه‌ریـیه‌کی ئه‌وتۆی به‌سه‌ر تۆیۆتادا نابێت چونکه‌ هه‌نارده‌ی بۆ ئێران زۆر نیـیه‌ و به‌ درێژایی ئه‌مسـاڵ ته‌نها 220 ئۆتۆمبیلی به‌و وڵاته‌ فرۆشتووه‌.

وڵاته‌ یه‌کگرتووه‌کانی ئه‌مه‌ریکا بازاڕێـکی گرنگی تۆیۆتایه‌. واشنتن داوای له‌ کۆمپانیا بیانیـیه‌کان کردووه‌ کارداریـیان له‌گه‌ڵ ئێراندا سـنووردار بکه‌ن.

وڵاته‌ یه‌کگرتووه‌کانی ئه‌مه‌ریکا و چه‌ند وڵاتێـکی ڕۆژئاوا مه‌ترسیان هه‌یه‌ له‌وه‌ی ئێران بیه‌وێت چه‌کی ناوکی دروست بکات. تارانیش ده‌ڵێت چالاکیـیه‌ ناوکیـیه‌کانی ته‌نها بۆ کاری ئاشـتیخوازانه‌یه‌.

XS
SM
MD
LG