Accessibility links

نوێنەری کۆمەڵی نێودەوڵەتی داوا لە سوریا دەکات لەسەر ئاگربەست بەردەوامبێت

  • VOA News

نوێنەری نەتەوە یەکگرتووەکان بۆ قەیرانی سوریا دەڵێت داوای لە حکومەتی سوریا کردووە کاربکات بۆ بەردەوامبوونی کاربەستی ناو وڵاتەکە و هەروەها ڕێگە بە گەیشتنی یارمەتیـیە مرۆیـیەکان بدات.

ستافان دی‌مستورا ئەمڕۆ دووشەممە لە دیمەشقی پایتەختی سوریا لەگەڵ وەلید موعەلیم وەزیری دەرەوەی ئەو وڵاتە کۆبووەوە و تاووتوێی بەردەوامبوونی ئاگربەستەکە کردبوو، ئەمەش لە کاتێـکدا کە ناجێگرە و جارجار پـێشێل دەکرێت.

هاوکات میدیاکانی سوریا دەڵێن وەلید موعەلیم بە نوێنەری کۆمەڵی نێودەوڵەتی گوتووە "گروپی تێرۆرستی" هەن بە فەرمانی تورکیا و سعودیـیە ئاگربەستەکە پـێشێل دەکەن بە ئامانجی شکستهێنان بە وتووێژەکانی جنێڤ.

پاشان موعەلیم ئامادەیی وڵاتەکەی دەربڕێوە لەوەی بەشداری لە وتووێژەکانی ئاشتی بکات بە بێ هیچ مەرجێـگی پـێش‌وەخت.

چاوەڕوان‌دەکرێت لە 15 ئەم مانگی چوارە وتووێژەکانی نێوان ئۆپـۆزسیۆن و حکومەتی سوریا دەسـتپـێبکەنەوە، ئەوانەی لە 24 ی مانگی سێ وتووێژەکان هەڵپەسێران بەبێ ئەوەی هیچ بەرەوپـێشچوونێـک تۆماربکرێت.

XS
SM
MD
LG