Accessibility links

لاڤرۆڤ: بەشار ئەسەد هاوپەیمانی ڕووسیا نیـیە

  • VOA News

ئاژانسی دەنگ‌وباسی RIA ڕووسیا دەڵێت سێرگێی لاڤرۆڤ وەزیری دەرەوەی وڵاتەکەیان گوتویەتی بەشار ئەسەد سەرۆکی سوریا هاوپەیمانێـکی وڵاتەکەیان نیـیە بە هێندەی ئەوەی تورکیا هاوپەیمانی ئەمەریکایە.

ئاژانسەکە ئەمڕۆ چوارشەممە هەواڵەکەی بڵاوکردەوە و نووسیویەتی لاڤرۆڤ هەروەها لە چاوپـێـکەوتنەکەدا گوتویەتی بەڵێ پشـتیوانی لە ئەسەد دەکەن لە شەڕی دژە تێرۆر و پاراستنی دەوڵەتی سوریا.

پاشان لاڤرۆڤ باسی لە دەسـتپـێـکردنەوەی وتووێژەکانی ئاشتی سوریای کردووە و گوتویەتی لەم مانگە لە جنێڤ دەسـتپـێدەکاتەوە، بەڵام ئاماژەی بۆ ئەوە کردووە کە هێشـتا ئەو بارودۆخە گونجاوە نەهاتووەتە پـێشێ کە دانوسـتاندنی ڕاستەوخۆ لە نێوان هەردوو شاندی ئۆپـۆزسیۆن و حکومەت سازبکرێت. لاڤرۆڤ دەستەی باڵای ئۆپـۆزسیۆن و تورکیای تۆمەتبارکردووە بە دانانی کۆسپ لە بەردەم دانوستاندنی ڕاستەوخۆدا.

XS
SM
MD
LG