Accessibility links

حکومه‌تی سوریا له‌ ترسی خۆپـیشـاندان ڕێوشوێنی توندی ئاسایشی ده‌گرێته‌به‌ر

  • VOA News

بازاڕێـکی ناوشاری دیمه‌شقی پایته‌ختی سوریا، هه‌ینی 4 ی دووی 2011

بازاڕێـکی ناوشاری دیمه‌شقی پایته‌ختی سوریا، هه‌ینی 4 ی دووی 2011

ڕۆژی هه‌ینی ئه‌ندامانی هێزه‌کانی ئاسایشی سوریا له‌ ده‌ره‌وه‌ی په‌رله‌مانی وڵاته‌که‌یاندا بڵاوبوونه‌وه‌ له‌ ترسی شیانی ڕوودانی خۆپـیشـاندانی دژه‌ حکومه‌ت، به‌ڵام هه‌تاکو ئێواره‌ش هیچ جۆره‌ خۆپـیشـاندانێـک نه‌کرا.

جێی ئاماژه‌ پـێـکردنه‌ هه‌ڵمه‌تێـک له‌سه‌ر ماڵپه‌ڕی فه‌یسبوک ده‌سـتیپـێـکردووه‌ بۆ داوای سـازکردنی خۆپـیشـاندان له‌ هه‌ردوو ڕۆژی هه‌ینی و شه‌ممه‌ له‌ دژی حکومه‌تی سوریا له‌ دیمه‌شقی پایته‌خت.

کۆمه‌ڵێـکی فه‌یسبوک به‌ ناوی شۆڕشی 2011 ی سوریا که‌ نزیکه‌ی 15 هه‌زار لایه‌نگری له‌خۆی کۆکردۆته‌وه‌ به‌ میدیاکانیان گوتووه‌ ئه‌وان خه‌ڵکانی سوری دوره‌ وڵاتن و داواش ده‌که‌ن خۆپـیشـاندانی ئاشـتیانه‌ش له‌ به‌رده‌می باڵیۆزخانه‌کانی سوریا له‌ چه‌ند وڵاتێـک سـازبکرێن، له‌وانه‌ له ئه‌مه‌ریکا و به‌ریتانیا و که‌نه‌دا و دانیمارک و سوید.

ئه‌و چالاکوانانه‌ ده‌یانه‌وێت چاکسـازی له‌ سوریا بکرێت، له‌وانه‌ وڵاته‌که‌ به‌ره‌و دیموکراتی فره‌یی بـبرێت.

یه‌ک له‌ چالاکوانه‌کان به‌ که‌ناڵی ئاسـمانی ئه‌لجه‌زیره‌ی گوت سوریـیه‌کان زۆر له‌ حکومه‌ت و ده‌زگای موخابه‌راتی وڵاته‌که‌یان ده‌ترسن.

به‌کارهێنانی ماڵپه‌ڕه‌کانی په‌یوه‌ندی کۆمه‌ڵایه‌تی بۆ ڕێـکخسـتنی خۆپـیشـاندانه‌کانی دژه‌ حکومه‌ت له‌ ئاکامی کاردانه‌وه‌ی ڕووداوه‌کانی ئه‌م دوایـیه‌ی تونس و میسره‌.

XS
SM
MD
LG