Accessibility links

له‌سه‌ر قه‌یرانی سوریا 8 که‌س له‌ باکوری لوبنان ده‌ڕفێندرێن

  • VOA News

کۆمه‌ڵێـک گه‌نج و لاوی سوونه‌ له‌ ناوچه‌یه‌کی پارێزگای عه‌ککاری باکوری لوبنان له‌ نزیـک سنووری سوریا هه‌سـتاون به‌ ڕفاندنی 7 که‌سی لوبنانی و سوری که‌ له‌ ئاینزای عه‌له‌وین.

ڕووداوه‌که‌ پاش ئه‌وه‌ بوو که‌ ڕۆژی شه‌ممه‌ لوبنانیـیه‌کی عه‌له‌وی لوبنانیـیه‌کی سوونی ڕفاند و به‌ره‌و سوریای برد‌.

ڕفێنده‌رانی 7 که‌سه‌که‌ ده‌ڵێن هه‌تاکو ئه‌و پـیاوه‌ سوونیـیه‌ ئازاد نه‌کرێت ئه‌وانه‌ش ئازاد ناکه‌ن.

هاوکات کاربه‌ده‌سـتان و که‌سایه‌تیـیه‌کانی ناوچه‌که‌ ده‌سـتیان به‌ کۆبوونه‌وه‌ کردووه‌ وه‌ک هه‌وڵـێـک بۆ هێورکردنه‌وه‌ی ڕه‌وشه‌که‌.

جێی ئاماژه‌ پـێـکردنه‌ پارێزگای عه‌ککار نزیکه‌ی 20 گوندی زۆربه‌ی دانیشـتوانه‌که‌ی عه‌له‌وین له‌ به‌رامبه‌ر 200 گوندی که‌ زۆربه‌یان سـوونه‌ن.

XS
SM
MD
LG