Accessibility links

نه‌ته‌وه‌ یه‌کگرتووه‌کان ده‌ڵێت ده‌بێت سوریا ئه‌مڕۆ سێشه‌ممه‌ ئۆپه‌راسیۆنه‌ له‌شکرییه‌کانی ڕاگربگرێت

  • Herow Rahim

نه‌ته‌‌وه‌ یه‌کگرتووه‌کان جارێکی دیکه‌ داواکارییه‌که‌ی له‌ حکومه‌تی سوریا دوپات کرده‌وه‌‌ تا په‌یوه‌ست بێت به‌ کاتی دیاری کراوی ڕۆژی سێشه‌ممه‌ بۆ ڕاگرتنی ئۆپه‌راسیۆنه‌ له‌شکرییه‌کان دژ به‌ مه‌ده‌نیان. به‌ڵام سه‌رهه‌ڵدانه‌وه‌ی توندوتیژییه‌کان ئه‌و هیوایانه‌ که‌م ده‌کاته‌وه‌ که‌ حکومه‌ت په‌یمانه‌که‌ی به‌جێ بگه‌ێنێت. په‌یامنێری ده‌نگی ئه‌مه‌ریکا مارگرێت به‌شیر ئه‌م ڕاپۆرته‌ی ئاماده‌ کردووه‌.

له‌ کاتێکدا تا ئاماده‌ کردنی ئه‌م ڕاپۆرته‌ ته‌نها چه‌ند کاتژمێرێک ماوه‌ بۆ ئه‌و کاته‌ی دیاری کرابوو تا له‌شکری سوریا له‌ شارو شارۆچکه‌کاندا بکشێته‌وه‌ و به‌کار هێنانی چه‌کی قورس ڕاگرێت وه‌کو یه‌‌که‌م هه‌نگاوی شه‌ش خاڵه‌که‌ی به‌رنامه‌ی ئاشتی که‌ به‌ نێوبژیوانی نوێنه‌ری کۆمکاری عه‌ره‌ب و نه‌ته‌وه‌ یه‌کگرتووه‌کان کوفی ئه‌نان ئه‌نجام درا، ئه‌و به‌رنامه‌یه‌ له‌ مه‌ترسیدایه‌ له‌ کاتێکدا که‌ تانک و هه‌لی کۆپته‌ره‌کانی حکومه‌ت به‌ به‌رده‌وامی هێرشیان کردووه‌ته‌ سه‌ر چه‌ند شارێک له‌ ناویاندا حومس، حه‌ما و ده‌رعه‌.

له‌ ڕۆژی دووشه‌ممه‌ توندوتیژی گه‌یشته‌ سنوری سوریاش له‌ کاتێکدا وێنه‌گرێکی لوبنانی له‌ سنوری لوبنان له‌ نێو سوریاوه‌ ته‌قه‌ی لێکراو کوژرا. هاوکات کاربه‌ده‌ستان له‌ تورکیاش ده‌ڵێن هێزه‌کانی سوریا ته‌قه‌یان له‌ که‌مپی په‌نابه‌ره‌ سورییه‌کان له‌ سنوری تورکیادا کردووه‌ و چه‌ند که‌سێکیشیان بریندار کردووه‌.

ده‌توانن گوێبیسـتی ده‌قی ڕاپـۆرته‌كه‌ بن له‌ ڕێـگه‌ی كلیـكـكردنی ئه‌و فایله‌ ده‌نـگیـیانه‌ی سه‌ره‌وه‌ی ده‌سته‌ چه‌پ‌، ماوه‌كه‌ی 4:06 خوله‌كه‌

XS
SM
MD
LG