Accessibility links

تانکه‌کانی حکومه‌ت ده‌چنه‌ ناو هه‌رێمێکی باکوری سوریاوه‌

  • VOA News

تانکه‌کانی حکومه‌ت ده‌چنه‌ ناو هه‌رێمێکی باکوری سوریاوه‌

تانکه‌کانی حکومه‌ت ده‌چنه‌ ناو هه‌رێمێکی باکوری سوریاوه‌

چالاکوانانی سوریا ده‌ڵێن تانکه‌کانی حکومه‌ت به‌ره‌و هه‌رێمی ئه‌دلیب له‌ باکور به‌رێکه‌وتوون‌ که‌ دوواترین هه‌نگاوی حکومه‌ته‌ له‌ سه‌رکوتکردنی دڕندانه‌ی بۆ خۆپیشانده‌رانی دژ حکومه‌ت که‌ داوای کوتایی هێنان به‌ سه‌رۆکایه‌تی 11 ساڵ خایه‌نی به‌شار‌ ئه‌لئه‌سه‌د ده‌که‌ن.

چالاکوانان ده‌ڵێن چه‌نده‌ها له‌ تانکه‌کانی حکومه‌ت له‌ دوێنێ شه‌ودا به‌ گوندی رامه‌ بڵاوبوونه‌وه‌ و له‌ ئاکامدا ژماره‌یه‌کی زیاتری خه‌ڵکی به‌ره‌و سنووره‌کانی سوریا و تورکیا هه‌ڵاتن که‌ هه‌زاره‌های تر له‌ ترسی توندوتیژی خۆیان تێدا حه‌شارداوه‌.

له‌ ڕۆژی سێشه‌ممه‌شدا نێردراوی رووسیا میخائیل مارگیلۆڤ گوتی رووسیا ده‌یه‌وێت سوریا ریفورمی ڕاسته‌قینه‌ بگرێته‌ به‌ر بۆ ئه‌وه‌ی کۆتایی به‌ توندوتیژی بێت که‌ وڵاته‌که‌ی هه‌ژاندووه‌ له‌وه‌تای ڕاپه‌ڕینی لایه‌نگری دیموکراسی له‌ مانگی سێ ده‌ستیپێکردوه‌.

کۆمه‌ڵێك له‌ چالاکوانانی سوری ده‌ره‌وه‌ی وڵات له‌ پایته‌ختی رووسیا داوایان له‌ نێردراوه‌که‌ کرد گۆشار بخرێته‌ سه‌ر سه‌رۆکی سوریا به‌شار ئه‌لئه‌سه‌د تا سه‌رکوتکردنی توندوتیژانه‌ ڕابگرێت که‌ ئه‌وه‌ ماوه‌ی سێ مانگه‌ گرتویه‌تیه‌ به‌ر.

مارگیلۆڤ گوتی رووسیا زۆر نیگه‌رانه‌ له‌و ڕه‌وشه‌ی سوریا و نایه‌وێت به ‌هه‌مان شێوه‌ی شه‌ڕی ناوخۆی لیبیای به‌سه‌ر بێت. جێی باسه‌ رووسیا گه‌وره‌ترین دابینکه‌ری چه‌که‌ بۆ سوریا له‌وه‌تای سه‌رده‌می سۆڤیه‌ته‌وه‌.‌‌

XS
SM
MD
LG