Accessibility links

هێزه‌کانی ئاسایشی سوریا هێرش ده‌که‌نه‌ نزیک مزگه‌وتێـک که‌ خۆپـیشـانده‌ران تیایدا گردبوونه‌ته‌وه‌

  • VOA News

هێزه‌کانی ئاسایشی سوریا هێرش ده‌که‌نه‌ نزیک مزگه‌وتێـک که‌ خۆپـیشـانده‌ران تیایدا گردبوونه‌ته‌وه‌

هێزه‌کانی ئاسایشی سوریا هێرش ده‌که‌نه‌ نزیک مزگه‌وتێـک که‌ خۆپـیشـانده‌ران تیایدا گردبوونه‌ته‌وه‌

چالاکوانانی مافه‌کان له‌ سوریا ده‌ڵێن هێزه‌کانی ئاسایش هێرشێـکی کوشنده‌یان کردۆته‌ نزیك مزگه‌وتێك که‌ خۆپیشانده‌ران تێدا گردبوونه‌ته‌وه‌.

به‌ڵام میدیای فه‌رمی سوریا ده‌ڵێت باندێکی چه‌کدار له‌ پشت توند و تیژیه‌کانی ئه‌مڕۆ چوارشه‌ممه‌ له‌ شاری ده‌رعا‌ له‌ باشوره‌وه‌ بوون.

ئاژانسی هه‌واڵه‌کانی فه‌رمی سوریا سانا له‌سه‌ر زاری سه‌رچاوه‌یه‌کی فه‌رمی گوتیان بانده‌که‌ هێرشیان کرده‌ سه‌ر ئا‌مبوڵه‌نسێك له‌ نزیك مزگه‌وتی عومه‌ری له‌ شاره‌که‌ و پزیشکێك و کارمه‌ندیکی ته‌ندروستی و شوفێره‌که‌یان کوشتووه‌.

ڕاپۆرته‌که‌ تێدا هاتبو که‌ هێزه‌کانی ئاسایش به‌ره‌نگاری هێرشبه‌ران بووبوونه‌وه‌ و ژماره‌یه‌کیان لێ ده‌ستگیرکردوون.

هه‌روه‌ها ڕاپورت دراوه‌ که‌ کارمه‌ندێکی هێزه‌کانی ئاسایش له‌و هه‌ڵمه‌ته‌دا کوژراوه‌.

به‌ڵام چالاکوانانی مافه‌کان و دانیشتوان ده‌ڵێن هێزه‌کانی ئاسایشی سوریا 6 که‌سیان کوشت دوای ئه‌وه‌ی ته‌قه‌یان له‌ نزیك مزگه‌وته‌که‌وه‌ کردبوو که‌ خۆپـیشانده‌ران له‌ ماوه‌ی 6 ڕۆژی ڕابردوو تیایدا کۆبوو‌نه‌ته‌وه‌ و داوای ریفۆرمسازی سیاسی ده‌که‌ن.

بابه‌تی په‌یوه‌ندیدار

XS
SM
MD
LG