Accessibility links

له‌ ئاکامی ته‌قینه‌وه‌یه‌کی خۆکوژی له‌ سوریا 9 که‌س ده‌کوژرێن

  • VOA News

زیانه‌ گیانیـیه‌کانی ئاکامی ته‌قینه‌وه‌یه‌کی خۆکوژی دیکه‌ له‌ سوریا که‌ پـێده‌چێت له‌شـکری کردبێته‌ نیشـانه‌ له‌ زیادبووندایه‌.

ته‌له‌فیزیۆنی حکومه‌تی سوریا ده‌ڵێت ته‌قینه‌وه‌که‌ ئه‌مڕۆ شه‌ممه‌ له‌ شـاری دێر ئه‌زوری ڕۆژهه‌ڵاتی وڵاته‌که‌ ڕوویداوه‌ و خۆکوژی بووه‌ و به‌ ماشێنێـکی پـڕ ته‌قه‌مه‌نی کراوه‌ و بووه‌ته‌ مایه‌ی کوژرانی 9 که‌س و برینداربوونی زیاتر له‌ 100 که‌سی دیکه‌.

ڤیدیۆی له‌گه‌ڵ هه‌واڵه‌که‌دا بڵاوکرایه‌وه‌ ناوچه‌یه‌کی به‌رده‌م شوێنێـکی له‌شـکری نیشـان ده‌دا که‌ ژماره‌یه‌ک ماشێـنی تێـکشـاوی لێبوو و دوکه‌ڵیان لێ به‌رزده‌بووه‌وه‌.

هه‌تا ئاماده‌کردنی ئه‌م هه‌واڵه‌ که‌س به‌رپـرسیارێتی خۆی له‌و هێرشه‌ ڕانه‌گه‌یاندووه‌، به‌ڵام حکومه‌ت ده‌ڵێت ئه‌وه‌ کاری تێرۆرسـتانه‌ و بۆمبه‌که‌ 1000 کیلۆگرام ته‌قه‌مه‌نی بووه‌ و چاڵێـکی قوڵی دروسـتکردووه‌.

XS
SM
MD
LG