Accessibility links

سوریا نکوڵی له‌ بوونی گۆڕی به‌ کۆمه‌ڵ له‌ وڵاته‌که‌ی ده‌کات

  • VOA News

سوریا نکوڵی له‌ بوونی گۆڕی به‌ کۆمه‌ڵ له‌ وڵاته‌که‌ی ده‌کات

سوریا نکوڵی له‌ بوونی گۆڕی به‌ کۆمه‌ڵ له‌ وڵاته‌که‌ی ده‌کات

وه‌زاره‌تی ده‌ره‌وه‌ی سوریا نکوڵی کرد له‌ هه‌بوونی گۆڕی به‌ کۆمه‌ڵ له‌ شاری ده‌رعا له‌ باشوردا له‌و شوێنه‌ی که‌ له‌ مانگی ڕابردوو‌دا هێزه‌کانی له‌شکری سوریا خۆپیشاندانه‌کانی دژ به‌ حکومه‌تیان دامرکاند.

به‌رپرسێکی وه‌زاره‌ته‌که‌ به‌ ئاژانسی فه‌رمی وڵاته‌که‌ی ڕاگه‌یاند له‌ ئه‌مڕۆ سێشه‌ممه‌دا که‌وا هه‌واڵه‌کانی هه‌بوونی گۆڕی به‌ کۆمه‌ڵ ئه‌وپه‌ڕی درۆ و ده‌له‌سه‌یه‌ و هه‌روه‌ها گوتیشی ئه‌و ڕاپورتانه‌ به‌شێکن له‌ هه‌ڵمه‌تێکی پرۆپاگه‌نده‌ دژ به‌ سوریا.

دانیشتوانی ده‌رعا و کۆمه‌ڵه‌کانی مافه‌کانی مرۆڤ ده‌ڵێن دانیشتوانی ناوخۆ گۆڕه‌ به‌کۆماڵه‌که‌یان له‌ قه‌راغی شاره‌که‌ دۆزیبووه‌، به‌ڵام ده‌سه‌ڵاتداران له‌ دوایـیدا ناوچه‌که‌یان داخست بۆ ڕێگرتن له‌ لابردنی ته‌رمه‌کان.

چالاکوانان ده‌ڵێن زیا له‌ 850 سیڤیل له‌ سه‌رانسه‌ری وڵاته‌که‌ له‌وه‌تایی ناوه‌ڕاستی مانگێ سێ‌ کوژراون له‌و ده‌مه‌ی خۆپیشانده‌ران ده‌ستیان کرد به‌داواکاریه‌کانیان بۆ ده‌ست له‌ کارکشانه‌وه‌ی سه‌رۆك به‌شار ئه‌لئه‌سه‌د. ده‌سه‌ڵاتداران به‌لایه‌ن که‌مه‌وه‌ 7 هه‌زار که‌سیان وه‌ك به‌شێك له‌و دامرکاندنه‌ ده‌ستگیرکردوه‌.

له‌ رۆژی سێشه‌ممه‌دا چالاکوانانی سوریا داوای به‌رێوه‌چوونی خۆپیشاندانێکی گشتیان له‌ ڕۆژی چوارشه‌ممه‌ کرد بۆ ناڕه‌زایی ده‌ربڕین له‌ به‌رامبه‌ر سه‌رکوتکردنی حکومه‌ت. به‌یانـنامه‌که‌یان له‌سه‌ر ماڵپه‌ڕی فه‌یس بوكی سه‌ر به‌ گروپی ئۆپۆزسیۆنی شۆڕشی ساڵی 2011 سوریا بڵاوکراوه‌ته‌وه‌.

XS
SM
MD
LG