Accessibility links

هێزه‌کانی سوریا له‌ سه‌رکوتکردنه‌کانیان له‌ نزیک سـنووره‌کانی تورکیا به‌رده‌وامن

  • VOA News

وێنه‌یه‌ک له ‌لایه‌ن ته‌له‌فزیۆنی فه‌رمی سوریا بڵاوکراوه‌ته‌وه‌ که‌ نیشانی ده‌دات هێزه‌کانی ئاسایشی سوریا له‌ 14 مانگی شه‌شدا به‌ ناو جسر ئه‌لشوغور بڵاوبوونه‌ته‌وه

وێنه‌یه‌ک له ‌لایه‌ن ته‌له‌فزیۆنی فه‌رمی سوریا بڵاوکراوه‌ته‌وه‌ که‌ نیشانی ده‌دات هێزه‌کانی ئاسایشی سوریا له‌ 14 مانگی شه‌شدا به‌ ناو جسر ئه‌لشوغور بڵاوبوونه‌ته‌وه

هێزه‌کانی سوریا سه‌رکوتکردنیان بۆ جوداخوازان به‌رفراوانکردووه‌ له‌ هه‌ڕێمه‌که‌ی نزیك سنووره‌کانی تورکیاوه‌ له‌م ده‌مه‌ی ژماره‌یه‌ك له‌ سوریـیه‌کان به‌ره‌و تورکیا په‌ڕیونه‌ته‌وه‌ بۆ قوتاربوونیان له‌ده‌ست ئه‌و ڕه‌وشه‌ی که‌ ڕووه‌و زیادبووندایه‌.

چالاکوانان له‌ ئه‌مڕۆ سێشه‌ممه‌دا ڕایانگه‌یاند که‌ هێزه‌کانی سوریا چووبوونه‌ته‌ ناو شارۆچکه‌ی مه‌عه‌ره‌ت ئه‌لنوعمانه‌وه‌.

له‌ ماوه‌ی ڕۆژانی ڕابردوودا هێزه‌کانی ئاسایش چووبوونه‌ ناو جسر ئه‌لشوغور و ناوچه‌کانی ده‌وروبه‌ری دوای ئه‌وه‌ی حکومه‌ت تاقمه‌ چه‌کداره‌کانی ناو جسر ئه‌لشوغوری به‌ کوشتنی 120 له‌ هێزه‌کانی ئاسایش تاوانبار کردبوو.

هاوکات به‌پرسانی تورکیا ده‌ڵێن ژماره‌ی سوریـیه‌کانی له‌و ڕه‌وشه‌ هاڵاتوون و له‌ سنووره‌کانی په‌ڕیونه‌ته‌وه‌ به‌ره‌و 8 هه‌زار زیادیکردووه‌.

له‌ ڕۆژی دووشه‌ممه‌دا ئه‌و په‌نابه‌رانه‌ی گه‌یشتبوونه‌ تورکیاوه‌ ڕایابگه‌یاندبوو که‌ هێزه‌کانی سوریا له‌ ناو گونده‌کان ده‌گه‌ڕان و پیاوانی ته‌مه‌ن 18 بۆ 40 ساڵیان ده‌ستگیر ده‌کرد .

XS
SM
MD
LG