Accessibility links

نیگه‌رانی بۆرسه‌کانی ئاسیاش ده‌گرێته‌وه‌


نیگه‌رانی بۆرسه‌کانی ئاسیاش ده‌گرێته‌وه‌
نیگه‌رانی بۆرسه‌کانی ئاسیاش ده‌گرێته‌وه‌

ئه‌مرۆ بازاڕه‌کانی بۆرسه‌ی وڵاتانی ئاسیا دابه‌زینێکی توندی به‌ خۆوه‌ بینی، ئه‌مه‌ش دوای ئه‌وه‌ی که‌ دوێنێ بازاڕه‌کانی بۆرسه‌ له‌ وڵاته‌ یه‌کگرتووه‌کانی ئه‌مه‌ریکا و ئه‌وروپا به‌هاکانی به‌ شێوه‌یه‌کی به‌رچاو هاتنه‌ خواره‌وه‌، ئه‌وه‌ی ئۆباڵه‌که‌ی ده‌خرێته‌ ئه‌ستۆی مه‌ترسیـیه‌کانی کارداران و سه‌رمایه‌ گوزارا‌ن په‌یوه‌ست به‌ خراپبوونێکی دیکه‌ی ڕه‌وشی ئابوری جیهانی.

بۆرسه‌ی نکیکی تۆکیۆ له‌ ده‌می داخستنیدا گه‌یشته‌ رێژه‌ی له‌سه‌دا 3.73 و ئه‌مه‌ش نزمترین ئاستی بوو له‌ ماوه‌ی 5 مانگیدا و هه‌روه‌ها بۆرسه‌ی هۆنگ کۆنگ به‌ رێژه‌ی پتر له‌ سه‌دا 4 دابه‌زی.

هاوکات هه‌ندێـک له‌ بازاڕه‌کانی بۆرسه‌ی ئه‌وروپایی به ‌ڕێژه‌ی پتر له‌ سه‌دا 2 له‌ سه‌ره‌تای ئه‌مڕۆدا هاته‌ خواره‌وه‌ ، دوێنێ به‌ هاکانی بۆرسه‌ به‌ ڕێژه‌ی نزیکه‌ی له‌ سه‌دا 4 هاته‌خواره‌وه‌.

هاوکات نرخی زێڕ ، ئه‌وه‌ی که‌ ده‌رفه‌تێکه‌ بۆ هه‌ندێـک له‌ سه‌رمایه‌داران له‌ ده‌می ڕه‌وشی ‌‌نائارامی ئابوریدا ئه‌ویش نرخه‌که‌ی به‌رزبووه‌وه‌ و نرخی یه‌ک ئۆنس زێڕ گه‌یشته‌ 1666 دۆلار و 32 سه‌نت.

ئه‌وه‌ی شایانی باسه‌ دوێنێ بۆرسه‌ی داو جۆنس له‌ وڵاته‌ یه‌کگرتووه‌کانی ئه‌مه‌ریکا گه‌ره‌ترین زیانی لێکه‌و‌ت و له‌ مانگی ده‌ی ساڵی 2008 وه‌ دووچاری زیانی به‌م جۆره‌ نه‌بووه‌.

شیکارانی ئابوری ده‌ڵێن سه‌رمایه‌داران مه‌ترسی ئه‌وه‌یان هه‌یه‌ که‌ ئابوری وڵاته‌ یه‌کگرتووه‌کانی ئه‌مه‌ریکا به‌ره‌و داڕمانێـکی دیکه‌ی ئابوری ملبنێته‌وه‌.

XS
SM
MD
LG