Accessibility links

ڕۆژی شه‌ممه‌ باشوری سودان به‌ فه‌رمی سه‌ربه‌خۆی خۆی ڕاده‌گه‌یه‌نێت

  • VOA News

ژماره‌یه‌ک سه‌ربازی باشوری سودان له‌ جوبای پایته‌خت خۆیان ئاماده‌ ده‌که‌ن بۆ ڕێوڕه‌سمی سه‌ربه‌خۆیی وڵاته‌که‌یان، سێشه‌ممه‌ 5 ی حه‌وتی 2011

ژماره‌یه‌ک سه‌ربازی باشوری سودان له‌ جوبای پایته‌خت خۆیان ئاماده‌ ده‌که‌ن بۆ ڕێوڕه‌سمی سه‌ربه‌خۆیی وڵاته‌که‌یان، سێشه‌ممه‌ 5 ی حه‌وتی 2011

حکومه‌تی باشوری سودان به‌رنامه‌کانی خۆی بۆ ڕێوڕه‌سمی ئاهه‌نگـگێڕان به‌ بۆنه‌ی سه‌ربه‌خۆیی وڵاته‌ نوێـیه‌که‌یان له‌ ڕۆژی شه‌ممه‌ی داهاتوو ئاشـکراکرد.

حکومه‌تی باشوری سودان هانی هاوڵاتیان ده‌دات که‌وا له‌ شه‌وی هه‌ینی له‌ کڵێسـا و گۆڕه‌پانه‌ گشـتیـیه‌کاندا گردبـبنه‌وه‌ و مۆم دابگیرسێنن و نوێژ و نزا بۆ وڵاته‌ نوێـیه‌که‌یان بکه‌ن.

ده‌شڵێن له‌ نیوه‌ شه‌ودا زه‌نگه‌کان له‌ سه‌رانسه‌ری وڵاته‌که‌دا لێده‌درێن وه‌ک ئاماژه‌یه‌ک بۆ له‌دایکبوونی ئه‌و وڵاته‌ نوێـیه‌ی بڕیاره‌ به‌ کۆماری باشوری سودان ناوبـبرێت.

ڕێوڕه‌سمی فه‌رمی سه‌ربه‌خۆیی ڕۆژی شه‌ممه‌ له‌ جوبای پایته‌خت به‌ڕێوه‌ده‌چێت. حکومه‌ت ده‌ڵێت 3500 که‌س ئاماده‌ی ده‌بن، له‌وانه‌ ڕێبه‌رانی 30 وڵاتی ئه‌فریقا.

بڕیاره‌ سروودی نیشـتیمانی ئه‌و وڵاته‌ نوێـیه‌ بگوترێته‌وه‌ و پاشـان سه‌رۆکی په‌رله‌مانی باشوری سودان ڕاگه‌یاندنی سه‌ربه‌خۆیـیه‌که‌ بخوێنێته‌وه‌.

سه‌رۆکی باشوری سودان سه‌لڤا کیر سوێندی فه‌رمی ده‌خوات پاش ئه‌وه‌ی ده‌سـتوری کاتی نوێی وڵاته‌که‌ مۆرده‌کات.

به‌مه‌ش باشوری سودان ده‌بێته‌ 193 هه‌مین وڵات له‌ جیهان و 55 هه‌مین له‌ ئه‌فریقادا.

بڕیاره‌ پـرنستن لایمن نێردراوی ئه‌مه‌ریکا بۆ سودان نوێنه‌رایه‌تی وڵاته‌ یه‌کگرتووه‌کان بکات له‌ ڕێوڕه‌سمی سه‌ربه‌خۆیـیه‌که‌دا.

XS
SM
MD
LG