Accessibility links

خۆپـیشـاندانی ناڕه‌زایی له‌ دژی په‌سه‌ندکردنی بودجه‌ له‌ شـاری سلێمانی سـازده‌کرێت


خۆپـیشـاندانی ناڕه‌زایی 28 ی شه‌شی 2012 له‌ شـاری سلێمانی

خۆپـیشـاندانی ناڕه‌زایی 28 ی شه‌شی 2012 له‌ شـاری سلێمانی

هه‌رچه‌نده‌ هه‌ردوو پارتی ده‌سه‌ڵاتدار له‌ په‌رله‌مان به‌ ده‌نگی زۆرینه‌ بودجه‌ی هه‌رێمی کوردسـتانیان به‌ڕێ‌کرد و سه‌رۆکی هه‌رێمیش مه‌سـعود بارزانی واژووی له‌سه‌ر کرد، که‌چی هێشـتا ده‌نگی ناڕه‌زایی شه‌قام له‌ شـاره‌کانی هه‌رێم به‌رده‌وامی هه‌یه‌.
له‌ سـلێمانی نزیکه‌ی 300 که‌س له‌ به‌رده‌م نووسینگه‌ی په‌رله‌ماندا کۆبوونه‌وه‌. خۆپـیشـاندانه‌که‌ که‌مپـینی داکۆکیکار له‌ بودجه‌ پـێـکهێنابوو که‌ له‌ ژماره‌یه‌ک ڕۆشنبیر و خه‌ڵـکی سیاسی و ئابوریناس پـێـکهاتبوون.
هه‌رچه‌نده‌ وه‌ها پـێشـبینی ده‌کرا که‌ خه‌ڵـکێـکی زۆر تیایدا به‌شـداری بکات، به‌ڵام ژماره‌ی خۆپـیشـانده‌ران وه‌کو پـێویست نه‌بوو.
ئه‌حمه‌د میره‌ که‌ یه‌کێـکه‌ له‌ ئه‌ندامانی ئه‌و که‌مپـینه‌ ده‌ڵێت ترس هه‌یه‌ و هه‌روه‌ها میدیای حزبیش خه‌ڵـکی هانداوه‌ که‌ به‌شـداری ئه‌و خۆپـیشـاندانه‌ نه‌که‌ن. ده‌شڵێت جگه‌ له‌وه‌ش ڕۆڵی ئۆپـۆزسیۆن به‌ تایبه‌تی بزوتنه‌وه‌ی گۆڕان تیایدا لاواز بووه‌.
جێی ئاماژه‌ پـێـکردنه‌ پـێشینه‌ی ئه‌م خۆپـیشـاندانه‌ له‌وه‌ هاتووه‌ که‌ ئه‌ندامانی ئه‌م که‌مپـینه‌ پـێشـتر به‌ سه‌رۆکایه‌تی په‌رله‌مانیان ڕاگه‌یاندبوو که‌ گوێـیان لێبگیرێت و بۆ ئه‌و مه‌به‌سته‌ یاداشـتنامه‌یه‌کیان پـێشـکه‌ش کردبوو‌ و تیایدا داواکاریـیه‌کانیان خستبووه‌ ڕوو، به‌ڵام ده‌ڵێن گوێ به‌ داواکاریـیه‌کانیان نه‌دراوه‌‌ و بودجه‌ په‌سه‌ندکراوه‌.
ده‌توانن گوێبیسـتی درێژه‌ی ڕاپـۆرته‌كه‌ بن له‌ ڕێـگه‌ی كلیـكـكردنی ئه‌و فایله‌ ده‌نـگیه‌ی ده‌سته‌ ڕاست، ماوه‌كه‌ی 8:30 خوله‌كه‌.
XS
SM
MD
LG