ئێوارەی ئەمڕۆ هەینی لە ئەنجامی تەقینەوەی دوو بوتڵ غاز لە بەشە ناوخۆییەکی کوڕان کوڕان لە قلیاسانی سەر بەزانکۆی سلێمانی دە کەس برینداربوون و کارمەندێکی ئاگرکوژێنەوەش گیانی لەدەستدا.
لەو بارەیەوە عیرفان عەلی عەزیز بەڕێوەبەری کارگێڕی سەنتەری فریاکەوتنی خێرا بەدەنگی ئەمریکای ڕاگەیاند:کۆی ئەو کەسانەی لە ئەنجامی ئاگرکەوتنەوەکەی بەشە ناوخۆیی قلیاسان بوونەتە قوربانی 11 کەس بوون.
وتیشی یەکێک لەوانە کە کارمەندی ئاگرکوژێنەوەبوە لە کاتی کۆنترۆڵکردنی ئاگرەکە لەسەرەتادا لە بەشە ناوخۆییەکە هەوڵی داوە ئاگرەکە بکوژێنێتەوە بەڵام بتڵێک غاز تەقیوەتەوە و گیانی لەدەستداوە.
عیرفان عەلی عەزیز بەڕێوەبەری کارگێڕی سەنتەری فریاکەوتنی خێرا بەدەنگی ئەمریکای ئاماژەی بەوەکرد بەشێک لەبریندارەکان سوتاوی سوک بوون کە هەر لەشوێنی خۆیدا چارەسەری پێویستیان بۆ کراوە بەشێکی تریشیان توشی تەنگە نەفەسی بوون بەهۆی دوکەڵی ئاگرەکەوە ئەوانەش لەنەخۆشخانە چارەسەریان بۆ کراوە.
جێی باسە بەشە ناوخۆییەکە یەکێکە لە بەشە ناوخۆییەکانی زانکۆی سلێمانی .