Accessibility links

شوان که‌ریم کابان له‌ سه‌ر کۆچکردنی هونه‌رمه‌ندی ناوداری کورد حه‌مه‌ جه‌زا ده‌دوێت


شوان که‌ریم کابان له‌ سه‌ر کۆچکردنی هونه‌رمه‌ندی ناوداری کورد حه‌مه‌ جه‌زا ده‌دوێت
شوان که‌ریم کابان له‌ سه‌ر کۆچکردنی هونه‌رمه‌ندی ناوداری کورد حه‌مه‌ جه‌زا ده‌دوێت

سه‌رله‌به‌یانی ڕۆژی هه‌ینی یه‌کی مانگی ده‌ی ساڵی 2010 هونه‌رمه‌ندی ناسراوی کورد حه‌مه‌ جه‌زا پاش نه‌خۆشییه‌کی درێژخایه‌ن له‌ ته‌مه‌نی شه‌ست و یه‌ک ساڵی له‌ شاری سلێمانی کۆچی دوایی کرد.

شوان که‌ریم کابان ئه‌ندامی په‌ڕله‌مانی هه‌رێمی کوردستانی عێراق که‌ دۆستێکی دێرین و زۆر نزیکی هونه‌رمه‌ند حه‌مه‌ جه‌زا بوو له‌ وتووێژێکدا له‌ گه‌ڵ هاوکارمان حه‌یده‌ر که‌ریم گوتی ستایلی کاک حه‌مه‌ جه‌زا به‌ڕاستی ستایلێکی تایبه‌ت بوو و بۆ خۆی مۆرکێکی تایبه‌تی له‌ نه‌و هونه‌ری گۆرانی کوردیدا هه‌بوو و له‌ شه‌سته‌کانه‌وه‌ ئه‌و بۆ خۆی مۆرکێکی دیاری ئه‌و بواره‌ بوو.

شوان که‌ریم کابان ده‌ڵێت یه‌کێک له‌ سیفه‌ته‌کانی کاک حه‌مه‌ جه‌زا ئه‌وه‌ بووه‌ که‌ به‌ درێژایی ته‌مه‌نی هه‌میشه‌ له‌ به‌ره‌ی خه‌ڵک و میلله‌تدا بووه‌. سیفه‌تێکی تریشی ئه‌وه‌ بوو که ‌هونه‌ر‌مه‌ندیش و پێشمه‌رگه‌ش بوو چ له‌ شۆڕشی ئه‌یلول و چ له‌ شۆڕشی نوێی گه‌له‌که‌مان که‌ له‌ ڕیزه‌کانی یه‌کێتیی نیشتیمانی کوردستاندا بوو.

شوان که‌ریم کابان هه‌روه‌ها ده‌ڵێت ئێستاکه که‌ حه‌مه‌ جه‌زا کۆچی دوایی کرد بێگومان ئه‌و شوێنه‌ی به‌ به‌تاڵی ئه‌مێنێته‌وه‌ و به‌ دڵنیاییه‌وه‌‌ هه‌موو هونه‌رمه‌ندان و دۆستانی هه‌ستی پێ ده‌که‌ن.

‌ ده‌توانن گوێبیسـتی ده‌قی گفتوگۆكه‌ بن له‌ ڕێـگه‌ی كلیـكـكردنی ئه‌و فایله‌ ده‌نـگیـیانه‌ی سه‌ره‌وه‌ی ده‌سته‌ چه‌پ‌، ماوه‌كه‌ی 5:34 خوله‌كه‌.

بابه‌تی په‌یوه‌ندیدار

XS
SM
MD
LG