Accessibility links

مەترسی هەیە شەڕێـکی مەزهەبی لە شارەبانی پارێزگای دیالەی عێراق هەڵبگیرسێت


لە قەزاى شارەبانى سەربە پارێزگاى دیالە خەریكە شەڕێكى گەورەى مەزهەبى بەرپا ببێت ، دواى ئەوەى كە چەند تەقینەوەیەكى خۆكوژى بووە هۆى كوژرانى دەیان شیعە مەزهەب و لە بەرانبەریشدا شیعەكان هەستان بە رووخاندنى ژمارەیەك مزگەوتى سونەكان.

كەریم عەلى ئاغا جێگرى پارێزگارى دیالە، بەدەنگى ئەمەریكاى راگەیاند"لەكاردانەوەى تەقینەوەكانى 3 رۆژى رابردوودا كە كوژران و برینداربوونى دەیان گەنجى شیعەى لێكەوتەوە، ئێستا شیعەكانیش كەوتوونەتە تۆڵەكردنەوە لەسونەكان."

بەپێى وتەى جێگرى پارێزگارى دیالە، تەقینەوەكان كە شیعەكانى كردبووە ئامانج لەلایەن داعشەوە ئەنجامدراون و ئامانج لێیان دروستكردنى شەرى مەزهەبى یە.

كەریم ئاغا، وتیشى"حكومەتى دیالە لیژنەیەكى بۆ هێوركردنەوەى بارودۆخى قەزاى شارەبان دروستكردووە."

پارێزگاى دیالە كەدانیشتوانەكەى تێكەڵەیە لەشیعە و سونە، لەدواى رووخانى رژێمى بەعسەوە زۆرترین شەرى مەزهەبى تێیدا روویداوە و شیعە و سونەكان ئەو پارێزگایە هەزاران كەسیان لە یەكترى كوشتووە.

XS
SM
MD
LG