Accessibility links

ده‌ سـاڵ له‌ پاش هێرشه‌کانی 11 ی سـێپته‌مبه‌ر


ده‌ سـاڵ له‌ پاش هێرشه‌کانی 11 ی سـێپته‌مبه‌ر

ده‌ سـاڵ له‌ پاش هێرشه‌کانی 11 ی سـێپته‌مبه‌ر

ڕۆژی سێشه‌ممه‌ ڕێـکه‌وتی 11 ی نۆی سـاڵی 2001 کۆمه‌ڵێـکی 19 که‌سی توانیـیان 4 فڕۆکه‌ی گه‌وره‌ی نه‌فه‌رهه‌ڵـگر به‌ سه‌رنشینه‌کانیـیه‌وه‌ بڕفێنن و ئاڕاسته‌ی فڕینه‌کانیان بگۆڕن و دوو له‌و فڕۆکانه‌یان کێشـا به‌ هه‌ردوو باڵه‌خانه‌ به‌رزه‌که‌ی ناوه‌ندی بازرگانی جیهانی له‌ نیویۆرک و فڕۆکه‌یه‌کی دیکه‌یان کێشـا به‌ وه‌زاره‌تی به‌رگری ئه‌مه‌ریکا ئه‌وه‌ی به‌ په‌نتاگۆن ناسراوه‌، به‌ڵام یه‌ک له‌ فڕۆکه‌کان که‌وته‌ خوارێ به‌ر له‌وه‌ی بتوانن بیکێشن به‌ ئامانجه‌که‌یان.

ئه‌م هێرشانه‌ بوونه‌ مایه‌ی کوژرانی نزیکه‌ی 3 هه‌زار که‌س و برینداربوونی به‌ هه‌زارانی دیکه‌. هه‌روه‌ها زیانێـکی ماڵی گه‌وره‌یان لێـکه‌وته‌وه‌.

له‌ به‌رامبه‌ردا سه‌رۆکی ئه‌و ده‌مه‌ی ئه‌مه‌ریکا جۆرج ده‌بلیو بوش له‌ لێـدوانێـکدا له‌ پاش هێرشه‌کان گوتی ئه‌مانه‌ هێرشێـکی ئاسایی له‌ دژی ئه‌مه‌ریکا نین، به‌ڵـکو ڕاگه‌یاندنی شه‌ڕێـکه‌.

لێـکۆڵینه‌وه‌کان نیشـانیان دا هێرشه‌کان کاری تێرۆریستی ڕێـکخراوی ئه‌لقاعیده‌ بنکه‌ له‌ ئه‌فغانسـتان بوون. دوابه‌دوایدا شه‌ڕی دژه‌ تێرۆر ده‌سـتیپـێـکرد و چه‌ند مانگێـگی نه‌برد کۆتای به‌ حوکمی تاڵیبان و ده‌سه‌ڵاتی ئه‌لقاعیده‌ له‌ ئه‌فغانستـاندا هات، به‌ڵام ئه‌و شه‌ڕه‌ هێشـتا هه‌ر به‌رده‌وامه‌ و ئاسه‌واره‌کانیشی به‌سه‌ر سه‌رانسه‌ری جیهاندا دیاره‌.

بابه‌تی په‌یوه‌ندیدار

XS
SM
MD
LG