Accessibility links

کۆمه‌ڵێـک چالاکوان به‌ نیازن ڕۆژی هه‌ینی خۆپـیشـاندانی ناڕه‌زایی له‌ سعودیه‌ سـازبکه‌ن

  • VOA News

کۆمه‌ڵێـک چالاکوان به‌ نیازن ڕۆژی هه‌ینی خۆپـیشـاندانی ناڕه‌زایی له‌ سعودیه‌ سـازبکه‌ن

چالاکوانان ئنته‌رنێت به‌کارده‌هێنن بۆ داواکردن له‌ سعودیـیه‌کان که‌ له‌ ڕۆژی هه‌ینی بڕژێنه‌ سه‌ر شه‌قامه‌کان و خۆپـیشـاندانێـکی دژ به‌ حکومه‌ت سـازبکرێت.

ئه‌و هه‌نگاوه‌ هاتووه‌ دوای ئه‌وه‌ی سـعودیه‌ خۆپـیشـاندانه‌کانی که‌ له‌ سه‌ره‌تای ئه‌م مانگه‌ ڕاگه‌یاندرابوو قه‌ده‌غه‌کرد. حکومه‌ت ئه‌و قه‌ده‌غه‌کردنه‌ی گرته‌به‌ر دوای ئه‌وه‌ی چه‌ند کۆمه‌ڵێـکی بچووکی خۆپـیشـانده‌ران گردبووبونه‌وه‌‌ و داوای گۆڕینیان له‌و شـانشینه‌ کۆنه‌پارێزه‌ ده‌کرد.

خۆپـیشـاندانی گه‌وره‌ی ئۆپـۆزسیۆن له‌ عه‌ره‌بسـتانی سعودی کارێـکی ئاسایـی‌ نیـیه‌‌، به‌ڵام هه‌زاره‌ها که‌س چوونه‌ته‌ پاڵ کۆمه‌ڵه‌کانی ئنته‌رنێته‌وه‌ و داوا ده‌که‌ن خۆپـیشـاندانی ناڕه‌زایی ڕۆژی هه‌ینی له‌ ڕیازی پایته‌خت سـازبکرێت.

ڕێـکخه‌ران ده‌ڵێن ئه‌و خۆپـیشـاندانه‌ به‌کارده‌هێنن بۆ داواکردنی گۆڕانکاری گه‌وره‌ی سیاسی و کۆمه‌ڵایه‌تی.

له‌ مانگی دوودا شـا عه‌بدوڵڵای سعودیـیه‌ ژماره‌یه‌ک ڕیفۆرمسـازی ڕاگه‌یاند له‌ هه‌وڵێـکی ئاشـکرادا بۆ ڕازیکردنی هاوڵاتیانی له‌ ئاکامی خۆپـیشـاندانه‌کانی دژ حکومه‌ت له‌ ڕۆژهه‌ڵاتی ناوه‌ڕاستدا که‌ بریتیبوون له‌ زیادکردنی موچه‌ و پـرۆگرامه‌کانی کۆمه‌ڵایه‌تی و قه‌رزی بێ فایز.

XS
SM
MD
LG