Accessibility links

سه‌ردار عه‌بدوڵا : خه‌ڵک جیاوازی بۆچوونه‌کان له‌ناو هاوپه‌یمانی کوردستانیدا ده‌بینێت

  • Balen Salih

ڕۆژی دووشه‌ممه‌ هێرش کرایه‌ سه‌ر کۆمیته‌ی یه‌کێتی نیشتیمانی کوردستان له‌ ناوجه‌رگه‌ی پارێزگای بابلدا. ئه‌م هێرشه‌ چه‌ند ڕۆژێک پاش ئه‌و هه‌ڕه‌شه‌یه‌ بوو که‌ له‌ کورده‌کانی دانیشتوی به‌غدا و شاره‌کانی تری ناوه‌ڕاست و باشوری عێراق کرا تا ئه‌و ناوچانه‌ جێبهێڵن و بگه‌ڕینه‌وه‌ بۆ هه‌رێمی کوردستانی عێراق.

سه‌ردار عه‌بدوڵا ، ئه‌ندامی په‌رله‌مانی عێراق له‌سه‌ر لیستی بزووتنه‌وه‌ی گۆڕان ده‌ڵێت له‌م ڕه‌وشه‌ی عێراقدا زۆر لایه‌ن هه‌ن به‌رژه‌وه‌ندییان له‌ خوڵقاندنی ژینگه‌یه‌کی خراپدایه‌ که‌ کێشه‌ و خوێن ڕشتنی لێبکه‌وێته‌وه‌.

ئه‌م ئه‌ندام په‌رله‌مانه‌ی عێراق ده‌شڵێت ئه‌و ڕاگه‌یاندنه‌ی حکومه‌ت بڵاویکردۆته‌وه‌ بۆ پاراستنی کورد له‌و ناوچانه‌ ، حکومه‌ت ده‌خاته‌ به‌رده‌م به‌رپرسیارێتیه‌وه‌ تا به‌ ئه‌رکی خۆی هه‌ڵسێت وه‌ک په‌یمانی داوه‌.

سه‌باره‌ت به‌ لێدوانه‌ وروژێنه‌ره‌کانی هه‌ندێک له‌ ئه‌ندامانی په‌رله‌مانی عێراق له‌م ڕه‌وشه‌ سیاسیه‌ی ئێستای عێراقدا و به‌ تایبه‌تیش لێداونه‌ دژ به‌ یه‌که‌کانی ئه‌ندامانی کورد و عه‌ره‌بی شیعه‌ ، به‌ڕێز عه‌بدوڵا ده‌ڵێت ئه‌رکی په‌رله‌مانتار داکۆکیکردنه‌ له‌ دیموکراسی و فێدراڵیزم و ئازادیه‌کان و مافه‌ نه‌ته‌وایه‌تی و نیشتیمانیه‌کان‌ و ده‌شڵێت به‌و جۆره‌ هاتوهورانه‌ نه‌ کێشه‌کان چاره‌سه‌ر ده‌کرێن و ‌ خزمه‌ت به‌ هیچ شتێکیش ناکات.

له‌ میانه‌ی وتووێژه‌که‌یدا له‌گه‌ڵ به‌ڵێن ساڵح ، سه‌ردار عه‌بدوڵا ئاماژه‌ به‌ ڕووداوه‌که‌ی ڕۆژی دووشه‌ممه‌ش ده‌کات که‌ له‌ ناو په‌رله‌ماندا ڕوویدا له‌سه‌ر ئه‌و ڕاگه‌یاندنه‌ی له‌لایه‌ن هاوپه‌یمانی کوردستانیه‌وه‌ خوێندرایه‌وه‌ سه‌باره‌ت به‌ ئه‌نفال و ده‌شڵێت به‌ڵێ له‌ناو ئه‌ندامانی کورددا هاوهه‌ڵوێستی هه‌یه‌ به‌ڵام یه‌کڕیزی بوونی نییه‌.

ده‌توانن له‌ ڕێی کلیککردنی ئه‌و فایله‌ ده‌نگیه‌ی سه‌ره‌وه‌ی ده‌سته‌ چه‌پ گوێبیستی ته‌واوی وتووێژه‌که‌ بن که‌ ماوه‌که‌ی 14:37 خوله‌که‌.

XS
SM
MD
LG