Accessibility links

حکومه‌تی ڕووسیا لێـکۆڵینه‌وه‌ له‌سه‌ر لێدانی خۆپـیشـانده‌رێک ده‌کات

  • VOA News

حکومه‌تی ڕووسیا ده‌ستی به‌ لێکۆڵینه‌وه‌یه‌کی تاوانکاری کردووه‌ په‌یوه‌ست به‌ لێدانی خۆپـیشانده‌رێکی ژنی ئۆپۆزیسیۆن که‌ ڕۆژی یه‌کشه‌ممه‌ی رابردوو له‌ لایه‌ن هێزه‌کانی دژه‌ ئاژاوه‌ی ڕووسی له‌ مۆسکۆی پایته‌خت لێدرابوو.

له‌و باره‌یه‌وه‌ ڤلادمیر مارکن ، وته‌بێژی کۆمیته‌ی لێکۆڵینه‌وه‌که‌ گوتی لێکۆڵینه‌وه‌که‌ هه‌وڵ ده‌دات ئه‌و که‌سه‌ بدوزێته‌وه‌ که‌ ئه‌و ڤیدیۆیه‌ی گرتبوو له‌و ده‌مه‌ی پـۆلیس له‌ خۆپیشانده‌ره‌که‌ ده‌ده‌ن و له‌ ماڵپه‌ری ئینته‌رنێته‌وه‌ ئه‌و گرته‌ ڤیدیۆییه‌ی بڵاوکردبووه‌وه‌ که‌ تیایدا وێنه‌ی ئه‌و پۆلیسانه‌ ده‌رده‌خات که‌ له‌و خۆپـیشانده‌ره‌ ژنه‌ نه‌ناسراوه‌ ده‌ده‌ن و توندوتیژی به‌رامبه‌ر پـیاده‌ ده‌که‌ن.

که‌ناڵی NTV ڕووسی گرته‌ ڤیدیۆیـیه‌که‌ی په‌خش کرد و نیشتانی دا که‌ چۆن پۆلیسی دژه‌ ئاژاوه‌ی ڕووسی ئه‌و ژنه‌ به‌ سه‌ر جاده‌که‌دا راده‌کێشن و هاوکات پـۆلیسێکش به‌ ‌شه‌ق له‌ سکی ژنه‌ ده‌دات.

ئه‌وه‌ی شایه‌نی گوتنه‌ پۆلیس له‌ مۆسکۆ به‌ سه‌دان له‌ خۆپیشانده‌رانی ناڕه‌زایان له‌ میانه‌ی گردبوونه‌وه‌ی رۆژی یه‌کشه‌ممه‌دا ده‌ستگیرکرد، له‌ درێژه‌ی خۆپیشاندانه‌کانی وڵاتدا که‌ له‌ دژی هه‌ڵبژاردن و گرتنه‌وه‌ ده‌ستی پۆستی سه‌رۆکایه‌تی له‌ لا‌یه‌ن ڤلادمیر پوتنه‌وه‌.

XS
SM
MD
LG