Accessibility links

قه‌شه‌که‌ی فلۆریدا ده‌ڵێت چیدی بیر له‌وه‌ ناکرێته‌وه‌ قورئان له‌ کڵێسه‌که‌یدا بسـوتێنرێت


قه‌شه‌که‌ی فلۆریدا ده‌ڵێت چیدی بیر له‌وه‌ ناکرێته‌وه‌ قورئان له‌ کڵێسه‌که‌یدا بسـوتێنرێت
قه‌شه‌که‌ی فلۆریدا ده‌ڵێت چیدی بیر له‌وه‌ ناکرێته‌وه‌ قورئان له‌ کڵێسه‌که‌یدا بسـوتێنرێت

قه‌شه‌که‌ی فلۆریدا ئه‌وه‌ی پـێشـتر گوتبووی کڵێسه‌که‌ی به‌نیازه‌ له‌ 11 ی مانگی نۆدا قورئان بسـوتێنێت، ئێسـتا ده‌ڵێت ئه‌و کاره‌ ناکات و چیدی کڵێسه‌که‌ی بیر له‌وه‌ ناکاته‌وه‌ قورئان بسـتوتێنێت.

قه‌شه‌ تێری جۆنز شه‌وی هه‌ینی گه‌یشته‌ نیویۆرک و ئه‌مڕۆ شه‌ممه‌ له‌ به‌رنامه‌ی (Today) ی که‌ناڵی ته‌له‌فیزیۆنیNBC ده‌رکه‌وت و گوتی کڵێسه‌که‌ی سه‌رکه‌وتوو بوو له‌ ده‌رخستنی لایه‌نه‌‌ ترسـناک و زۆر توندڕه‌وه‌که‌ی ئیسلام.

جێی ئاماژه‌ پـێـکردنه‌ کڵێسه‌که‌ی ئه‌م قه‌شه‌یه‌ ناوی (Dove World Outreach Center) و ته‌نها 50 که‌س په‌یڕه‌وی ده‌که‌ن، پـێشـتر گوتبووی له‌ سـاڵیادی هێرشه‌ تێرۆریسـتیه‌کانی 11 ی سـێپته‌مبه‌ردا قورئان ده‌سـتوتێنن و ئه‌مه‌ش ناڕه‌زایـیه‌کی زۆری له‌ ناو ئه‌مه‌ریکا و ‌سه‌رانسه‌ری جیهانی لێـکه‌وته‌وه‌.

قه‌شه‌ تێری جۆنز گه‌یشته‌ نیویۆرک به‌ مه‌به‌ستی کۆبوونه‌وه‌ له‌گه‌ڵ ئه‌و ئیمامه‌ی به‌رپـرسه‌ له‌ مه‌سه‌له‌ی بنیاتنانی ناوه‌ندێـکی ئیسلامی له‌ نزیک ناوه‌ندی بازرگانی جیهانی له‌ نیویۆرک و له‌ به‌رامبه‌ر شوێنی جوته‌ باڵه‌خانه‌که‌ی له‌ هێرشه‌ تێرۆریسـتیـیه‌کانی 11 ی سێپته‌مبه‌ری 2001 دا له‌ناوبران. تا ئاماده‌کردنی ئه‌م هه‌واڵه‌ کۆوونه‌وه‌ له‌ نێوان قه‌شه‌ تێری و ئیمامه‌که‌ ئه‌نجام نه‌دراوه‌.

XS
SM
MD
LG