قادر عه‌زیز، سکرتێری گشتی حیزبی زه‌حمه‌تکێشانی سه‌ربه‌خۆی کوردستان ده‌ڵێت کاریگه‌ری وڵاتانی دراوسێی عێراق و هه‌ندێ له وڵاتانی تری ناوچه‌که ئه‌وه‌نده زۆره به‌سه‌ر بڕیاری سیاسی عێراقه‌وه ، کارێکی وای کردووه‌ڕێبه‌رانی عێراق به‌زۆری سه‌ردانی ئه‌و وڵاتانه بکه‌ن.
سکرتێری گشتی حیزبی زه‌حمه‌تکێشانی سه‌ربه‌خۆی کوردستان، له میانه‌ی گفت و گۆکه‌یدا له‌گه‌ڵ هاوکارمان به‌ڵێن ساڵح، باسیش له‌وه ده‌کات که هێشتاش بۆ چه‌ندان ساڵی تریش عێراق هه‌ر مه‌یدانی یه‌کلایی کردنه‌وه‌ی سیاسیانه‌ی ململانێکانی نێوان وڵاتانی دراوسێی ده‌بێت.
ده‌توانن له ڕێی کلیککردنی ئه‌و فایله ده‌نگیانه‌ی سه‌ره‌وه‌ی ده‌سته چه‌پ گوێبیستی ته‌واوی گفتوگۆکه بن که ماوه‌که‌ی 7:59 خوله‌که.
