Accessibility links

پانۆراما: سه‌رۆکی ئێران له‌ نه‌ته‌وه‌ یه‌کگرتوه‌کان چیی گووت؟

  • Balen Salih

پانۆراما: سه‌رۆکی ئێران له‌ نه‌ته‌وه‌ یه‌کگرتوه‌کان چیی گووت؟

پانۆراما: سه‌رۆکی ئێران له‌ نه‌ته‌وه‌ یه‌کگرتوه‌کان چیی گووت؟

نوێنه‌رانی وڵاته‌ یه‌کگرتوه‌کانی ئه‌مه‌ریکا و وڵاتانی تری ئه‌وروپایی له‌ کۆبونه‌وه‌ی ساڵانه‌ی ئه‌نجومه‌نی گشتی یوئێندا چونه‌ ده‌رێ له‌و ده‌مه‌دا که‌ سه‌رۆکی ئێران وتاره‌که‌ی پێشکه‌ش ده‌کرد.

مه‌حمودی ئه‌حمه‌دی نه‌ژاد، زۆر به‌ توندی ڕه‌خنه‌ی له‌ وڵاته‌ یه‌کگرتوه‌کانی ئه‌مه‌ریکا و وڵاتانی ڕۆژئاوا گرت و هه‌روه‌هاش له‌ ئیسرائیل و ده‌یگووت زلهێزه‌کانی ڕۆژئاوا په‌لاماره‌ تێرۆریستیه‌کانی یازده‌ی سه‌پتێمبه‌ریان وه‌ک بیانویه‌ک به‌کار هێناوه‌ تا هێرش بکه‌نه‌ سه‌ر ئه‌فغانستان و عێراق.

ئێران له‌گه‌ڵ حکومه‌ته‌کانی ئه‌وروپا و به‌ڕێوبه‌رایه‌تی ئه‌مریکاشدا له‌ ناکۆکیدایه‌ به‌هۆی به‌رنامه‌ ناوکیه‌ مشت و مڕ له‌سه‌ره‌که‌یه‌وه‌.

زۆر جاران سه‌رۆکی ئێران له‌و سه‌کۆیه‌ی نه‌ته‌وه‌ یه‌کگرتوه‌کانه‌وه‌ گومانی ده‌ربڕیوه‌ به‌رامبه‌ر کۆمه‌ڵ کوژی جوله‌که‌کان (هۆلۆکۆست) ودژی وه‌ستاوه‌ته‌وه‌.

له‌ وتاره‌که‌یدا سه‌رۆکی ئێران لۆمه‌ی وڵاته‌ یه‌کگرتوه‌کانی ئه‌مه‌ریکای کرد بۆ زۆرێک له‌ کێشه‌ و قه‌یرانه‌ جیهانیه‌کان له‌وانه‌ قه‌یرانی دارایی و هه‌روه‌هاش باڵا ده‌ستی له‌ نێوه‌نده‌کانی سیاسه‌ت دانانی جیهانیدا.

هاوکاتی وتاره‌که‌ی سه‌رۆکی ئێران سه‌دان که‌سیش له‌ ده‌ره‌وه‌ی هۆڵی کۆبونه‌وه‌که‌ خۆپیشاندانیان دژی سیاسه‌ته‌کانی کۆماری ئیسلامی ده‌کرد.

ڕیزا مه‌نوچه‌هری، ڕۆژنامه‌وان: چونه‌ده‌ره‌وه‌ی وڵاتان له‌ ده‌می وتاره‌که‌ی سه‌رۆکی ئێراندا یانی ڕه‌تکردنه‌وه‌ی سیاسه‌ته‌کانی کۆماری ئیسلامی ئێران.

ئه‌حمه‌دی ئه‌سکه‌نده‌ری، شیکه‌ره‌وه‌ی سیاسی: له‌ هه‌موو ڕوویه‌که‌وه‌ ئه‌مساڵ سه‌رۆکی ئێران لاواز دیار بوو و له‌ وتاره‌که‌شیدا باسی له‌و شه‌پۆله‌ نه‌کرد که‌ وڵاتانی عه‌ره‌بی گرتۆته‌وه‌ و هه‌روه‌ها باسی فه‌له‌ستینیشی نه‌کرد.

فازیل وه‌لیان، نوسه‌ر و لێکۆڵه‌ره‌وه‌: سه‌رۆکی ئێران که‌ ئێستا و پێشتریش داوای ڕۆڵی زیاتر و به‌رفراوان کردنی دیموکراسی و ڕاستگۆیی ده‌کات، جێی سه‌رسوڕمانن.

مادیح ئه‌حمه‌دی، ڕۆژنامه‌وان و چاودێری سیاسی: سه‌رۆکی ئێران هه‌موو شتێک وه‌ک کارتی فشارکردنه‌ سه‌ر به‌رامبه‌ر به‌کار ده‌هێنێت.

هه‌راسکردن و تۆقاندن و پێشێلکردنی مافه‌کانی مرۆڤ به‌شێکی دانه‌بڕاوه‌ له‌ سیاسه‌تی ناوخۆیی کۆماری ئیسلامی ئێران.

له‌وه‌تای ڕاگه‌یاندنی کۆماری ئیسلامی ئێران له‌ ساڵی 1979 وه‌ وه‌ک چاودێر ده‌ڵێن هه‌رگیز به‌ پێی ڕێوشوێن و یاسا نێونه‌ته‌وه‌ییه‌کان کاری نه‌کردووه‌ بۆ مافه‌کانی تاکه‌ که‌س له‌ ئێراندا.

ده‌توانن گوێبیسـتی ده‌قی به‌رنامه‌که‌‌ بن له‌ ڕێـگه‌ی كلیـكـكردنی ئه‌و فایله‌ ده‌نـگیـیانه‌ی سه‌ره‌وه‌ی ده‌سته‌ چه‌پ، ماوه‌كه‌ی 12:09 خوله‌كه‌.

بابه‌تی په‌یوه‌ندیدار

XS
SM
MD
LG