Accessibility links

به‌ هێرشی موشه‌کی ئه‌مه‌ریکا 4 که‌س له‌ پاکسـتان ده‌کوژرێن

  • VOA News

فڕۆکه‌یه‌کی بێ فڕۆکه‌وانی ئه‌مه‌ریکا

فڕۆکه‌یه‌کی بێ فڕۆکه‌وانی ئه‌مه‌ریکا

کاربه‌ده‌سـتانی ئاسایشی پاکسـتانی ده‌ڵێن هێرشێـکی موشه‌کی وڵاته‌ یه‌کگرتووه‌کانی ئه‌مه‌ریکا 4 گومانباری چه‌کداری کوشـتووه‌ له‌ هه‌رێمی باکوری ڕۆژئاوای وڵات له‌سه‌ر سـنووری ئه‌فغانسـتان.

کاربه‌ده‌سـتان ده‌ڵێن 3 موشه‌ک له‌ ماشێـنێـکیان داوه‌ که‌ میلیتانه‌کانی هه‌ڵگرتبوو له‌ گوندی داتا خێڵ له‌ ناوچه‌ی هۆزی باکوری وه‌زیرسـتان.

له‌م مانگه‌دا وڵاته‌ یه‌کگرتووه‌کانی ئه‌مه‌ریکا نزیکه‌ی 20 هێرشی موشه‌کی دژی بنکه‌ی به‌هێزی چه‌کدارانی تاڵیبان و ئه‌لقاعیده‌ ئه‌نجام‌داوه‌ له‌ هه‌رێمی هۆزی باکوری ڕۆژئاوای پاکسـتان.

کاربه‌ده‌سـتانی پاکسـتانی ئه‌م هێرشـانه‌ی به‌‌ فڕۆکه‌ی بێ فڕۆکه‌وان ئه‌نجام ده‌درێن، مه‌حکومکردووه‌ و ده‌ڵێن پـێشـێلکاریـیه‌ بۆ سه‌ر سه‌روه‌ری وڵاته‌که‌یان.

کاربه‌ده‌سـتانی وڵاته‌ یه‌کگرتووه‌کانی ئه‌مه‌ریکا به‌ ئاشـکرایی تێبینیـیان له‌سه‌ر ئه‌م هێرشانه‌ نه‌داوه‌ که‌ پاکسـتان به‌ گشـتی ده‌ڵێت له‌ لایه‌ن ئه‌و فڕۆکه‌ بێ فڕۆکه‌وانانه‌وه‌ ئه‌نجام‌دراون.

بابه‌تی په‌یوه‌ندیدار

XS
SM
MD
LG