Accessibility links

له‌ ئاکامی ته‌قینه‌وه‌یه‌ک له‌ به‌رده‌م مه‌زارێـکی سـۆفیـیه‌کان له‌ پاکسـتان 5 که‌س ده‌کوژرێن

  • VOA News

کارمه‌ندانی فریاکه‌وتن ته‌رمی قوربانیـیه‌کان له‌ شوێنی ته‌قینه‌وه‌که‌ی به‌رده‌م مه‌زاری سۆفیـیه‌کان له‌ شـاری پاک پاتانی هه‌رێمی پۆنجاب هه‌ڵده‌گرنه‌وه‌، دووشه‌ممه‌ 25 ی ده‌ی 2010

کارمه‌ندانی فریاکه‌وتن ته‌رمی قوربانیـیه‌کان له‌ شوێنی ته‌قینه‌وه‌که‌ی به‌رده‌م مه‌زاری سۆفیـیه‌کان له‌ شـاری پاک پاتانی هه‌رێمی پۆنجاب هه‌ڵده‌گرنه‌وه‌، دووشه‌ممه‌ 25 ی ده‌ی 2010

کاربه‌ده‌ستانی پاکستانی ده‌ڵێن له‌ ئاکامی ته‌قینه‌وه‌ی بۆمبێك له‌ مه‌زارگه‌یه‌کی موسوڵمانه‌ سۆفیه‌کان له‌ خۆرهه‌ڵاتی وڵاته‌که‌ به‌لایه‌نی که‌مه‌وه‌ 5 که‌س گیانیان له‌ده‌سـتدا و 13 که‌سی دیکه‌ برینداربوون.

ده‌سه‌ڵاتداران گوتوویانه‌ دوو پیاو بۆمبیان له‌سه‌ر مۆتۆسیکلێک چاندبوو و له‌ به‌رده‌م ده‌روازه‌ی مه‌زارگه‌ی شاری پاک پاتان له‌ هه‌رێمی پۆنجاب به‌جێیان هێشتبوو. به‌رپرسان ده‌ڵێن ته‌قینه‌وه‌که‌ له‌ به‌ره‌به‌یانی ئه‌مڕۆ ڕوویدا و زیانی به‌ چه‌نده‌ها کۆگا و دوکان گه‌یاندبوو بێ ئه‌وه‌ی زیان به‌ مه‌زارگه‌که‌ بگه‌یه‌نیت.

هه‌رچه‌ندێکه‌ تاکو ئێستا که‌سێک به‌رپرسیارێتی له‌ ئه‌نجامدانی ئه‌م ته‌قینه‌وه‌یه‌ له‌ ئه‌ستۆ نه‌گرتووه‌.

جێی باسه‌ سۆفیـیه‌کان زۆر جار بوونه‌ته‌ ئامانجی هێرشی خوێناوی پاکسـتان. هه‌ر له‌ سه‌ره‌تای ئه‌م مانگه‌ش ته‌قینه‌وه‌یه‌کی خۆکوژی له‌ مه‌زارگه‌یه‌کی سۆفیـیه‌کان له‌ شـاری که‌راچی له‌ خۆرهه‌ڵاتی پاکسـتان 8 که‌سی تێدا کوژران.

کۆمه‌ڵه‌ی میلیتانه‌ ئیسلامیـیه‌کان ڕه‌تی هه‌ندێ له‌ سرووته‌ ئاینیـیه‌کانی سۆفیـیه‌کان ده‌که‌نه‌وه‌ و به‌ نائیسلامی ناوی ده‌بن.

بابه‌تی په‌یوه‌ندیدار

XS
SM
MD
LG