Accessibility links

پاکسـتان ژن و منداڵه‌کانی بن لادن ڕه‌وانه‌ی سعودیه‌ ده‌کات

  • VOA News

به‌رپرسانی پاکستانی خانه‌واده‌ی ئوسامه‌ بن لادنیان ڕه‌وانه‌ی سعودیه‌ کردووه‌، ئه‌مه‌ش به‌ نزیکه‌ی ساڵێک دوای ئه‌وه‌ی بن لادن له‌ هێرشێکی سه‌ربازانی ئه‌مه‌ریکا بۆ سه‌ر خانوبه‌ره‌که‌ی له‌ نێو پاکستاندا کوژرا.

له‌و باره‌یه‌وه‌ ، به‌رپرسانی هه‌واڵگیری ده‌ڵێن؛ هه‌ر سێ بێوه‌ژنه‌که‌ی ئوسامه‌ بن لادن، ئه‌وه‌ی دووانیان به‌ ره‌چه‌ڵه‌ک سعودین و یه‌کێکیان یه‌مه‌نیه‌ و هه‌روه‌ها منداڵه‌کانیان به‌ ماوه‌یه‌کی کورت دوای نێوه‌شه‌وی هه‌ینی گواسته‌وه‌ بۆ فڕۆکه‌خانه‌یه‌ک له‌ نزیک ئیسلام ئابادا و له‌وێ فڕۆکه‌یه‌ک چاوه‌ڕوانی ده‌کردن بۆ ئه‌وه‌ی له‌وێوه‌ بیانگوێزێته‌وه‌ بۆ شانشینی سعودی.

ئه‌وه‌ی شایانی باسه‌ حکومه‌تی سعودی هێج تێبینیه‌کی له‌سه‌ر گواستنه‌وه‌ی بێوه‌ژنان و منداڵانی ئوسامه‌ بۆ وڵاته‌که‌ی رانه‌گه‌یاندووه‌.

له‌ ده‌مێکی پێشوه‌ختی ئه‌م مانگه‌دا، دادگایه‌کی پاکستانی بێوه‌ژنان و دووان له‌ کچانی بن لادنی تۆمه‌تبارکرد به‌وه‌ی ئه‌وان به‌ شێوه‌یه‌کی نا یاسایی له‌ پاکستاندا ده‌ژین و دادگاکه‌ حکومی 45 رۆژ ده‌ستبه‌سه‌رکردنی بۆیان بڕیه‌وه ‌و پاشان ڕه‌وانه‌کردنه‌وه‌یان بۆ وڵاتی سعودیه‌.

XS
SM
MD
LG