Accessibility links

دادپرسانی پاکستانی هه‌فته‌یه‌کیان به‌ده‌سته‌وه‌یه‌ بۆ ئاماده‌بوونی په‌روێز موشه‌ڕه‌ف له‌ دادگا

  • VOA News

دادپرسانی پاکستانی هه‌فته‌یه‌کیان به‌ده‌سته‌وه‌یه‌ بۆ ئاماده‌بوونی په‌روێز موشه‌ڕه‌ف له‌ دادگا

دادپرسانی پاکستانی هه‌فته‌یه‌کیان به‌ده‌سته‌وه‌یه‌ بۆ ئاماده‌بوونی په‌روێز موشه‌ڕه‌ف له‌ دادگا

دادگایه‌کی دژه‌ تیرۆری پاکستانی هه‌فته‌یه‌کی دیکه‌ی داوه‌ به‌ دادپرسان بۆ ئاماده‌بوونی سه‌رۆکی پێشووی پاکستان په‌روێز موشه‌ڕه‌ف له‌ به‌رده‌م دادگا بۆ دادگایکردنی‌ له‌سه‌ر کوشتنه‌که‌ی سه‌رۆک وه‌زیری پێشوو بێنه‌زیر به‌تۆ.

فه‌رمانی ده‌ستگیرکردنی به‌ڕێز موشه‌ره‌ف له‌ مانگی ڕابردوو ڕاگه‌یه‌ندرا. سه‌رۆکی پێشووی پاکستان که‌ له‌ له‌نده‌ن ده‌ژی، به‌ به‌رده‌وامی نکۆڵی له‌وه‌ کردووه‌ که‌ ده‌ستی له‌ کوشتنی بێنه‌زیر به‌تۆدا هه‌بووبێت یان هه‌وڵی بۆ پاراستنی ژیانی نه‌دابێت.

دادپرسان ئه‌مڕۆ شه‌ممه‌ له‌ دادگایه‌کی ڕاوالپه‌ندی ڕایانگه‌یاند که‌ ئه‌و فه‌رمانی ده‌ستگیرکردنه‌ی دراوه‌ به‌ کاربه‌ده‌ستانی به‌ڕیتانیا و خوازیارن وه‌ڵامێک وه‌ربگرن.

ئه‌و دادگایه‌ چه‌ند جارێک فه‌رمانی ده‌ستگیرکردنه‌که‌یان دووپات کردۆته‌وه‌.

شایانی باسه‌ خاتو به‌تۆ له‌ مانگی دوازده‌ی ساڵی 2007 دا له‌ میانه‌ی هه‌ڵمه‌تێکی هه‌ڵبژاردن بۆ پارتییه‌که‌ی خۆی (پارتی گه‌لی پاکستان) له‌ هه‌ڵبژاردنی نیشتیمانیدا کوژرا.

XS
SM
MD
LG