Accessibility links

به‌ هێرشێـکی موشه‌کی 6 که‌س له‌ باکوری ڕۆژئاوای پاکسـتان ده‌کوژرێن

  • VOA News

چه‌ند پـیاوێـکی پاکسـتانی له‌ نه‌خۆشـخانه‌یه‌کی میرانشا له‌ ده‌وری کۆڕێـکی برینداری ئاکامی هێرشه‌ موشه‌کیـیه‌که‌ی شه‌وی هه‌یندا وه‌سـتاون، شه‌ممه‌ 22 ی پـێـنجی 2010

چه‌ند پـیاوێـکی پاکسـتانی له‌ نه‌خۆشـخانه‌یه‌کی میرانشا له‌ ده‌وری کۆڕێـکی برینداری ئاکامی هێرشه‌ موشه‌کیـیه‌که‌ی شه‌وی هه‌یندا وه‌سـتاون، شه‌ممه‌ 22 ی پـێـنجی 2010

کاربه‌ده‌سـتانی ده‌زگای موخابه‌راتی پاکسـتان ده‌ڵێن له‌ به‌رئه‌نجامی هێرشێـکی موشه‌کی به‌ فڕۆکه‌ی بێ فڕۆکه‌وان له‌ ناوچه‌کانی عه‌شره‌ته‌کان له‌سه‌ر سـنووری ئه‌فغانسـتان به‌ لانی که‌م 6 که‌س کوژراون.

هێرشه‌که‌ له‌ ده‌می شه‌ودا کراوه‌ته‌ سه‌ر گوندێـکی نزیـک میرانشا که‌ شـاری سه‌ره‌کی هه‌رێمی وه‌زیرسـتانی باکوره‌.

کاربه‌ده‌سـتان ده‌ڵێن هێرشه‌که‌ ماڵی دانیشـتوویه‌کی ناوچه‌که‌ی کردبووه‌ ئامانج و به‌ لانی که‌م 5 ژن و 2 منداڵیش له‌و هێرشه‌دا برینداربوون.

وڵاته‌ یه‌کگرتووه‌کانی ئه‌مه‌ریکا ئاسـتی هێرشـه‌کانی به‌ فڕۆکه‌ی بێ فڕۆکه‌وان زیادکردووه‌ بۆ لێـدانی حه‌شـارگه‌کانی ئه‌لقاعیده‌ و تاڵیبانه‌کان له‌سه‌ر ناوچه‌ سـنووریـیه‌کانی ئه‌فغانسـتان.

حکومه‌تی پاکسـتان دژی ئه‌و هێرشـانه‌یه‌ و ده‌ڵێت ئه‌و هێرشـانه‌ پـێشـێلکاریـیه‌که‌ بۆ سه‌ره‌وه‌ری وڵاته‌که‌ی و هه‌روه‌هاش هه‌سـتی دژه‌ ئه‌مه‌ریکا له‌ پاکسـتاندا دروست ده‌کات.

بابه‌تی په‌یوه‌ندیدار

XS
SM
MD
LG