Accessibility links

له‌ ئاکامی ته‌قه‌ینه‌وه‌یه‌ک له‌ پاسێـکدا له‌ پاکسـتان 18 که‌س ده‌کوژرێن

  • VOA News

دوو هاوڵاتی پاکسـتانی سه‌ری پاشـماوه‌ی پاسه‌که‌ ده‌که‌ن، دووشه‌ممه‌ 17 ی یه‌کی 2011

دوو هاوڵاتی پاکسـتانی سه‌ری پاشـماوه‌ی پاسه‌که‌ ده‌که‌ن، دووشه‌ممه‌ 17 ی یه‌کی 2011

کاربه‌ده‌سـتان له‌ پاکسـتان ده‌ڵێن له‌ ئاکامی ته‌قینه‌وه‌یه‌ک له‌ باکوری ڕۆژئاوای پاکسـتان به‌ لانی که‌م 18 که‌س که‌ دووانیان له‌ ماشێنێـکی تردا بوون کوژراون و ئه‌و پاسه‌ بچوکه‌ش که‌ کوژراوه‌کانی تری تیادابوون پارچه‌ پارچه‌ بووه‌.

ده‌سه‌ڵاتداران ده‌ڵێن ئه‌و هێرشه‌ بۆمبیه‌ی ئه‌مڕۆ دووشه‌ممه‌ له‌ نزیک شـارۆچکه‌ی هانگو ڕوویداوه‌، واته‌ هه‌مان ئه‌و شوێنه‌ی ڕۆژی هه‌ینی ئه‌فسه‌رێـکی پـۆلیس که‌ ژن بوو و 5 که‌س له‌ خزم و که‌سوکاره‌که‌ی کوژران.

ئه‌م ناوچه‌یه‌ نزیکه‌ له‌ ناوچه‌ی عه‌شه‌ره‌ته‌کان له‌ پاکسـتان که‌ یاسای تیادا نیـیه‌.

ئاژانسی ده‌نگ و باسی فه‌ره‌نسـا ده‌ڵێت پـۆلیس گوتوویه‌تی زیاتر له‌ 10 کیلۆگرام که‌ره‌سـته‌ی ته‌قینه‌وه‌ له‌ ناو ئه‌و پاسه‌ بچووکه‌دا چێنرابوو.

بابه‌تی په‌یوه‌ندیدار

XS
SM
MD
LG