Accessibility links

له‌ هێرشێـکی تاڵیبانه‌کاندا له‌ پاکسـتان 80 که‌س ده‌کوژرێن

  • VOA News

شوێنی هێرشه‌که‌ی ڕۆژی هه‌ینی به‌رده‌م ناوه‌ندی مه‌شقکردنی نیمچه‌ سه‌ربازی له‌ شه‌به‌قداری پاکسـتان، هه‌ینی 13 ی پـێـنجی 2011

شوێنی هێرشه‌که‌ی ڕۆژی هه‌ینی به‌رده‌م ناوه‌ندی مه‌شقکردنی نیمچه‌ سه‌ربازی له‌ شه‌به‌قداری پاکسـتان، هه‌ینی 13 ی پـێـنجی 2011

کاربه‌ده‌سـتانی پاکسـتان ده‌ڵێن کۆی ژماره‌ی کوژراوانی ئاکامی دوو ته‌قینه‌وه‌ی خۆکوژی له‌ ناوه‌ندێـکی مه‌شـقکردنی نیمچه‌ له‌شـکری له‌ باکوری ڕۆژئاوای وڵاته‌که‌ گه‌یشـووه‌ته‌ 80 که‌س.

تاڵیبانی پاکسـتان ده‌ڵێت ئه‌و له‌ تۆڵه‌ی کوژرانی ڕێبه‌ری ئه‌لقاعیده‌ ئوسامه‌ بن لادن هێرشه‌که‌ی ئه‌نجام داوه‌. ده‌شڵێت ئه‌مه‌ یه‌که‌م تۆڵه‌سه‌ندنه‌وه‌یه‌ بۆ کوژرانی بن لادن.

ده‌سه‌ڵاتدارانی پاکسـتان ده‌ڵێن هێرشه‌که‌‌ ڕۆژی هه‌ینی له‌ به‌رده‌م ناوه‌ندی مه‌شق و ڕاهێنانی نیمچه‌ سه‌ربازانی نوێ له‌ ناوچه‌ی شه‌به‌قداری هه‌رێمی چارسه‌دا ڕوویداوه‌. هه‌روه‌ها به‌ ده‌یان که‌سی دیکه‌ برینداربوون. ده‌شڵێن له‌و کاته‌دا بووه‌ که‌ سه‌ربازه‌کان ده‌هاتنه‌ ده‌رێ له‌ ناوه‌نده‌که‌ و سواری ماشێنه‌کان ده‌بوون بۆ ئه‌وه‌ی بۆ پـشـوویه‌کی کورت به‌ره‌و ماڵه‌کانیان بڕۆنه‌وه‌.

XS
SM
MD
LG