Accessibility links

پاکستان ته‌رمی 10 سه‌ربازی له‌ تاڵیبان وه‌رده‌گرێته‌وه‌

  • VOA News

پاکستان ته‌رمی 10 سه‌ربازی له‌ تاڵیبان وه‌رده‌گرێته‌وه‌

پاکستان ته‌رمی 10 سه‌ربازی له‌ تاڵیبان وه‌رده‌گرێته‌وه‌

ده‌سه‌ڵاتدارانی پاکستانی ته‌رمی 10 سه‌ربازیان وه‌رگرته‌وه‌ له‌ ئاڵۆگۆڕێکدا له‌گه‌ڵ تاڵیباندا دوا به‌دوای شه‌ڕوپـێکدادان له‌گه‌ڵ کۆمه‌ڵه‌ی میلیشیاکاندا دوو هه‌فته‌ی له‌مه‌وبه‌ر له‌ باکوری خۆرئاوای وڵاته‌که‌دا.

به‌رپرسان له‌ ئه‌مڕۆ دووشه‌ممه‌دا ڕایانگه‌یاند سه‌ربازه‌کان له‌وه‌تای هێرشی تاڵیبان بۆ سه‌ر بنکه‌که‌یان له‌ 21 ی مانگی دوازده‌دا دیارنه‌مابوون، به‌ڵام له‌ ڕێی دانوستاندنه‌کان هه‌ردوو لایان کوژراوه‌کانیان ئاڵۆگۆڕکرد که‌ ئه‌ویش 10 سه‌رباز و 10 میلیشیابوون.

ئه‌و ئاڵۆگۆڕکردنه‌ هات دوا به‌دوای چه‌ند ڕۆژێك پاش ئه‌وه‌ی‌ پاکستان پرسه‌ی بۆ 15 سه‌ربازانی سازکرد ئه‌وانه‌ی له ‌لایه‌ن تاڵیبان ڕفێندرابوون و کوژرابوون له‌ باکوری خۆرئاوای وڵاته‌که‌دا.

گوته‌بێژی ئه‌و کۆمه‌ڵه‌ میلیشیا ئیسلامیـیه‌یه‌‌ گوتی سه‌ربازه‌ کان له‌ 22 مانگی دوازده‌دا له‌ ناوچه‌ی ته‌نک له‌ هه‌رێمی خه‌یبه‌ر په‌ختونخوا ڕفێندرابوون له‌ تۆڵه‌سه‌ندنه‌وه‌ی به‌رده‌وامبوونی هه‌ڵمه‌ته‌کانی له‌شکری له‌ دژ میلیشیاکان له‌ نزیک سنووری ئه‌فغانستانه‌وه‌.

ده‌سه‌ڵاتدارانی خۆجێی ته‌رمی 15 سه‌ربازیان له‌ هه‌فته‌ی ڕابردوودا دۆزیبووه‌ ئه‌وانه‌ی له‌لایه‌ن کۆمه‌ڵی میلیشیاکان له‌ هه‌رێمی وه‌زیرستانی باکور گولـله‌باران کرابوون.

گوتیشیان ته‌رمه‌کان نیشانه‌ی ئه‌شکه‌نجه‌دانیشیان پێوه‌بوو.

XS
SM
MD
LG