Accessibility links

ئه‌مه‌ریکا پـشتگیری هیندسـتان ده‌کات بۆ ئه‌ندامێتی هه‌میشه‌یی له‌ ئه‌نجومه‌نی ئاسایش


سه‌رۆک وه‌زیری هیندسـتان مانمۆهان سینگ پـێشـوازی له‌ سه‌رۆکی وڵاته‌ یه‌کگرتووه‌کانی ئه‌مه‌ریکا باراک ئۆباما ده‌کات له‌ نیوده‌لهی پایته‌خت، دووشه‌ممه‌ 8 ی یازده‌ی 2010
سه‌رۆک وه‌زیری هیندسـتان مانمۆهان سینگ پـێشـوازی له‌ سه‌رۆکی وڵاته‌ یه‌کگرتووه‌کانی ئه‌مه‌ریکا باراک ئۆباما ده‌کات له‌ نیوده‌لهی پایته‌خت، دووشه‌ممه‌ 8 ی یازده‌ی 2010

سه‌رۆکی وڵاته‌ یه‌کگرتووه‌کان پـشـتیوانی ده‌کات له‌ هه‌وڵدانی هیند بۆ ئه‌وه‌ی بـبێته‌ ئه‌ندامێـکی هه‌میشه‌یی ئه‌نجومه‌نی ئاسایشی نه‌ته‌وه‌ یه‌کگرتووه‌کان.

ئۆباما داوای ئه‌و گۆڕانه‌ی کرد له‌ قسه‌ ئاماده‌کراوه‌کانیدا له‌ ڕۆژی دووشه‌ممه‌ بۆ په‌رله‌مانی هیندسـتان.

ئۆباما گوتی وڵاته‌ یه‌کگرتووه‌کان و هیند هه‌لێـکی مێژووییان هه‌یه‌ بۆ ڕێبه‌رایه‌تیکردن وه‌کو هیند ده‌یبینێت شوێنی دوروسـتی له‌ جیهاندا.

ئۆباما له‌ ده‌می کۆنفرانسێـکی ڕۆژنامه‌وانیدا له‌گه‌ڵ سه‌رۆک وه‌زیری هیندسـتان مانمۆهان سینگ به‌ په‌یامنێرانی گوت هیند وه‌کو وڵاتێـکی ده‌سه‌ڵاتداری جیهانه‌ و دووپاتی کرده‌وه‌ که‌ په‌یوه‌ندیـیه‌کانی وڵاته‌ یه‌کگرتووه‌کان و هیند یارمه‌تی ده‌دات له‌ ده‌سـتنیشـانکردنی سه‌ده‌ی 21 .

هه‌ردوو ڕێبه‌ری گه‌وره‌ترین دیموکراسی له‌ جیهان زنجیره‌ ڕێـکه‌وتـنـنامه‌یه‌کیان داڕشت به‌ مه‌به‌ستی په‌ره‌پـێدانی هاوکاری له‌سه‌ر کێشه‌ سه‌ره‌کیـیه‌کان هه‌ر له‌ شه‌ڕی تێرۆرزمه‌وه‌ بگره‌ تا په‌ره‌پـێدانی ئابوری و به‌ره‌نگاربوونه‌وه‌ی گۆڕانی که‌ش.

بابه‌تی په‌یوه‌ندیدار

XS
SM
MD
LG