Accessibility links

سه‌رۆک ئۆباما: کۆمه‌ڵی 20 به‌ره‌وپـێشـچوونی به‌ده‌سـتهێناوه‌

  • VOA News

سه‌رۆک ئۆباما له‌ میانه‌ی کۆنگره‌یه‌کی ڕۆژنامه‌وانیدا له‌ کۆبوونه‌وه‌ی لوتکه‌یی G20 له‌ سیۆلی پایته‌ختی کۆریای باشور ده‌دوێت، هه‌ینی 12 ی یازده‌ی 2010

سه‌رۆک ئۆباما له‌ میانه‌ی کۆنگره‌یه‌کی ڕۆژنامه‌وانیدا له‌ کۆبوونه‌وه‌ی لوتکه‌یی G20 له‌ سیۆلی پایته‌ختی کۆریای باشور ده‌دوێت، هه‌ینی 12 ی یازده‌ی 2010

سه‌رۆکی وڵاته‌ یه‌کگرتووه‌کانی ئه‌مه‌ریکا باراک ئۆباما ده‌ڵێت ڕێبه‌رانی کۆمه‌ڵی 20 قایل بوون به‌ ڕاگرتن و هاوسه‌نگیکردنی گه‌شه‌ی ئابوری، سه‌ره‌ڕای ئه‌وه‌ی کارێـکی زۆر ماوه‌ ئه‌نجام بدرێت بۆ چاره‌سه‌رکردنی ناکۆکیـیه‌کانی له‌سه‌ر مه‌سه‌له‌کانی بازرگانی و دراودا که‌وتوونه‌ته‌وه‌.

سه‌رۆک ئۆباما باسی له‌م به‌ره‌وپـێشـچوونه‌ ڕاسته‌قینه‌یه‌ کرد له‌ کۆتایی کۆبوونه‌وه‌ دوو ڕۆژیـیه‌که‌ی ڕێبه‌رانی کۆمه‌ڵی 20 ی خاوه‌ن ئابوریـیه‌ مه‌زنه‌کانی جیهان له‌ سیۆل. له‌ ڕاگه‌یاندنێـکی فه‌رمیدا که‌ ڕۆژی هه‌ینی له‌ لایه‌ن ڕێبه‌رانی کۆمه‌ڵه‌که‌وه‌ ده‌رچوو تیایدا هاتووه‌ ئه‌وان قایل بوون له‌سه‌ر واز هێنان له‌ که‌مکردنه‌وه‌ی به‌های دراوه‌کانیان و به‌ره‌و ئه‌و ئاڕاسته‌یه‌دا هه‌نگاو بنێن که‌ نرخه‌کان له‌ ئاڵوگۆڕی بازاڕدا ڕابگرن.

XS
SM
MD
LG