Accessibility links

سه‌رۆک ئۆباما ده‌ڵێت گه‌شه‌کردنی ئابوری وڵاتانی G20 به‌ ئه‌مه‌ریکاوه‌ په‌یوه‌سته‌

  • VOA News

سه‌رۆک ئۆباما له‌ ده‌می گه‌یشـتنی بۆ سیۆلی پایته‌ختی کۆریای باشور، چوارشه‌ممه‌ 10 ی یازده‌ی 2010

سه‌رۆک ئۆباما له‌ ده‌می گه‌یشـتنی بۆ سیۆلی پایته‌ختی کۆریای باشور، چوارشه‌ممه‌ 10 ی یازده‌ی 2010

سه‌رۆکی ئه‌مه‌ریکا باراک ئۆباما به‌ نیازه‌ له‌ دره‌نگانێـکی ئه‌م هه‌فته‌یه و له‌ کۆبوونه‌وه‌یه‌کی لوتکه‌یی ئابوریدا ‌به‌ به‌شـداربووان بڵێت که‌وا گه‌شه‌کردنی ئابوری وڵاته‌کانیان په‌یوه‌سته‌ به‌ ئه‌مه‌ریکاوه‌، بۆیه‌ ده‌بێت هه‌موو گۆڕانکاری بکه‌ن تا گه‌شه‌کردنی ئابوری جیهانی مسۆگه‌ر بـبێت.

ئه‌م داخوازیـیه‌ی به‌ڕێز ئۆباما له‌ نووسراوێـکیدایه‌ بۆ به‌شـداربووانی کۆنگره‌ی لوتکه‌یی ئابوری G20 که‌ ڕۆژی چوارشه‌ممه‌ ئاشـکرابوو له‌و ده‌مه‌ی گه‌یشته‌ کۆریای باشور پاش سه‌ردانێـکی کورتی بۆ ئه‌نده‌نووسیا که‌ له‌وێ چه‌ند سـاڵێـکی ته‌مه‌نی منداڵی به‌سه‌ربردبوو.

له‌ میانه‌ی سه‌ردانه‌که‌یدا په‌سنی دیموکراسی و سنگ فراوانی ئاینی له‌ ئه‌نده‌نووسیا دا و وه‌کو نموونه‌یه‌کی جوان بۆ وڵاتانی دیکه‌ی موسڵمان هێنایه‌وه‌.

هه‌روه‌ها سه‌رۆک ئۆباما له‌ نووسراوه‌که‌یدا بۆ ڕێبه‌رانی G20 ده‌ڵێت به‌هێزی دۆلار که‌ دراوی پاشه‌که‌وتکراوی جیهانه‌ به‌سـتراوه‌ته‌وه‌ به‌ ئابوری ئه‌مه‌ریکاوه‌، بۆیه‌ بۆ ئه‌وه‌ی گه‌شه‌کردنی ئابوری جیهانی به‌رده‌وامبێت ده‌بێت ئه‌و وڵاتانه‌ی هانارده‌یان له‌ هاورده‌یان زیاتره‌ له‌گه‌ڵ وڵاتانی به‌ پـێچه‌وانه‌وه‌ له‌سه‌ر گۆڕانکاریـیه‌کان قایل بن.

بابه‌تی په‌یوه‌ندیدار

XS
SM
MD
LG