Accessibility links

سه‌رۆک ئۆباما میوانداری کۆنگره‌یه‌کی بێ وێنه‌ی نێونه‌ته‌وه‌یی ده‌کات بۆ ئاسایشی چه‌کی ناوکی

  • VOA News

سه‌رۆکی ئه‌مه‌ریکا باراک ئۆباما

سه‌رۆکی ئه‌مه‌ریکا باراک ئۆباما

ڕێبه‌رانی جیهانی له‌ واشـنتن کۆبوونه‌ته‌وه‌ بۆ ئاماده‌بوون له‌ کۆبوونه‌وه‌ی لوتکه‌یی نێونه‌ته‌وه‌یی بۆ داڕشـتنی سـتراتیژیـیه‌تێـکی جیهانی تا چه‌کی ناوکی ده‌ست تێرۆریسـتان نه‌که‌وێت.

سه‌رۆکی ئه‌مه‌ریکا باراک ئۆباما که‌ ئێواره‌ی ئه‌مڕۆ دووشه‌ممه‌ کۆبوونه‌وه‌ی دوو ڕۆژ خایه‌نه‌که‌ ده‌کاته‌وه‌، ده‌ڵێت تێرۆریسـتان ئه‌گه‌ر که‌ره‌سـته‌ی ناوه‌کیـیان ده‌سـتبکه‌وێت هه‌ڕه‌شه‌یه‌کی گه‌روه‌ بۆ ئاسایشی ئه‌مه‌ریکا ده‌نێـنه‌وه‌.

به‌ڕێز ئۆباما له‌ دوێنێ یه‌کشـه‌ممه‌دا به‌ په‌یامنێرانی ڕاگه‌یاندبوو که‌وا ڕێـکخراوه‌ تێرۆریسـتیـیه‌کانی وه‌ک ئه‌لقاعیده‌ هه‌وڵ ده‌ده‌ن چه‌کی ناوه‌کیـیان ده‌سـتبکه‌وێت و ئه‌گه‌ر سه‌رکه‌وتووبن ئه‌وا ڕه‌نگه‌ زه‌مینه‌ی ئاسایشی جیهان بۆ سـاڵانی داهاتوو بگۆڕێت.

گوتیشی تێرۆریسـتان له‌ به‌کارهێنانی ئه‌و چه‌کانه‌ سڵ ناکه‌نه‌وه‌.

به‌ڕێز ئۆباما ئومێده‌واره‌ وڵاتانی تر هان بدات بۆ قایمکردنی که‌ره‌سـته‌کانی ناوکی که‌ ڕه‌نگه‌ زیانی هه‌بێت ئه‌گه‌ر ده‌ست تێرۆریسـتان بکه‌وێت.

جێی ئاماژه‌ بۆ کردنه‌ کۆریای باکور و ئێران و سوریا که‌ له‌ لایه‌ن خۆرئاواوه‌ ڕه‌خنه‌یان لێـگیراوه‌ به‌هۆی کارنامه‌ی ناوه‌کی گومان لێـکراویانه‌وه‌ بانگهێشـتی کۆبوونه‌وه‌ لوتکه‌یی‌یه‌که‌ نه‌کراون.

بابه‌تی په‌یوه‌ندیدار

XS
SM
MD
LG