Accessibility links

ته‌قینه‌وه‌یه‌ک له‌ به‌رده‌م باره‌گای پـۆلیس له‌ پایته‌ختی نایجیریا ڕووده‌دات

  • VOA News

ته‌قینه‌وه‌یه‌ک له‌ به‌رده‌م باره‌گای پـۆلیس له‌ پایته‌ختی نایجیریا ڕووده‌دات

ته‌قینه‌وه‌یه‌ک له‌ به‌رده‌م باره‌گای پـۆلیس له‌ پایته‌ختی نایجیریا ڕووده‌دات

له‌ ئاکامی ته‌قینه‌وه‌یه‌کی خۆکوژی له‌ ده‌ره‌وه‌ی باره‌گای پـۆلیسی نایجیریا له‌ ئابوجای پایته‌خت به‌ لای که‌م 2 که‌س کوژراون که‌ خۆکوژه‌که‌ یه‌کێـکیانه‌.

له‌ گفتوگۆریه‌کدا له‌گه‌ڵ ده‌نگی ئه‌مه‌ریکا گوته‌بێژێـکی کۆمه‌ڵی توندڕه‌وی ئیسلامی بوکو حه‌رام به‌رپـرسیارێتی خۆی له‌ هێرشه‌که‌ ڕاگه‌یاند‌.

ئه‌و کۆمه‌ڵه‌ له‌سه‌ر زنجیره‌یه‌ک هێرشی کوشـنده‌ له‌ باکوری نایجیریا لۆمه‌ کراوه‌ ئه‌وانه‌ی کراونه‌ته‌ سه‌ر ئه‌فسه‌رانی پـۆلیس و کاربه‌ده‌سـتانی حکومه‌ت و ده‌سه‌ڵاتدارانی دیکه‌.

ته‌قینه‌وه‌که‌ له‌ شوێنێـکی ڕاگرتنی ئۆتۆمبیلدا بووه‌ له‌و ده‌مه‌ی چاودێری شوێنه‌که‌ به‌ خۆکوژه‌که‌ی گوتووه‌ له‌ کوێدا ئۆتۆمبیله‌که‌ی ڕابگرێت.

ڕێـکخراوی خاچی سووری نایجیریا ده‌ڵێت به‌ لای که‌م 7 که‌س له‌و ته‌قینه‌وه‌یه‌دا برینداربوون و پـۆلیس ده‌ڵێت زیاتر له‌ 30 ئۆتۆمبیل تێـکشـکاون.

هێزه‌کانی پـۆلیس ڕێـگه‌ و بانه‌کانی ناوچه‌‌که‌یان گرتووه‌.

XS
SM
MD
LG