Accessibility links

ئه‌مڕۆ سه‌رۆک ئۆباما سه‌ردانی شاری بۆستن ده‌کات

  • Salah Piroty

سه‌رۆک ئۆباما

سه‌رۆک ئۆباما

سه‌رۆکی ئه‌مه‌ریکا بڕاک ئۆباما ئه‌مڕۆ پێنج شه‌مه‌ بۆ بۆستنێ ده‌چێت، شوێنێک له‌ ڕێ و ڕه‌سمێكی باوه‌ڕمه‌ندانی فره‌ ئاینی تێیدا به‌شداری بکات له‌ ده‌مێکدا شاره‌که‌ له‌ په‌ژاره‌ی بۆمبدانه‌وه‌ی خوێناوی دان که‌ ڕوژی دووشه‌مه‌ له‌ کاتی پێشه‌به‌ڕکێی هه‌ڵاتن دا ڕوویدا.

په‌یامنێری ده‌نگی ئه‌مه‌ریکا کارۆلن پرێسووتی، که‌ له‌ چه‌ند ڕۆژ له‌ مه‌و به‌ره‌وه‌ هه‌ر له‌ شاری بۆستنه، ده‌ڵێت سه‌رۆک ئۆباما هه‌ڵگری په‌یامی خه‌می هاوبه‌شی و خۆڕاگری بۆ خه‌ڵکی شار ده‌بێت.

ئاژانسه‌کانی چه‌سپاندنی قانونی ئه‌مه‌ریکا به‌ راستی نازانن که‌ ده‌زگاکانی راگه‌یاندنی ولات بڵاویان کرده‌وه‌ ‌ گومانیکراویک له‌ پێوه‌ندی بومبدانه‌وه‌کانی ڕۆژی دووشه‌مه‌ له‌ پیشه‌به‌رکیی هه‌لاتن له‌ شاری بوستون دا گیرابێت.

ئیف بی ئای، لێکۆڵه‌ره‌وانی فێدڕاڵی و پولیسی شاری بۆستن ڕۆژی چوارشه‌مه‌ هه‌موویان ئه‌و ڕاپۆتانه‌یان به‌ ڕاست نه‌زانی که‌ تۆڕه‌کانی ته‌له‌ڤزیون وته‌ی لێکۆڵه‌رانیان سه‌باره‌ت به‌ گیرانی که‌سێک بڵاوکرده‌وه‌.

ئه‌و لێکۆڵه‌ره‌وانه‌ به‌ ئاژانسه‌کانی هه‌واڵنێریان گوت که‌ فیلمێکی کامێرایه‌کی به‌شی ئاسایش پیاوێکی هه‌ڵگری کیسه‌یه‌کی ڕه‌ش نیشان ده‌دا که‌ له‌ نزیک شوێنی یه‌کیک له‌ ته‌قینه‌وه‌کان فڕێی ده‌دات که‌ تیدا سێ که‌س کوژران و 176 که‌سیش بریندار بوون ‌ له‌ کاتێکدا که‌سانی به‌شدار له‌ هه‌ڵاتندا له‌ هێڵی کۆتایی پێشه‌به‌ڕکی یه‌که‌دا‌ نزیک ده‌بوونه‌وه‌.
XS
SM
MD
LG