Accessibility links

هۆڵه‌ندا په‌یوه‌ندیـیه‌کانی خۆی له‌گه‌ڵ ئێراندا ڕاده‌گرێت

  • Stefan Bos

وه‌زیری ده‌ره‌وه‌ی هۆڵه‌ندا یوری رۆزنتاڵ

وه‌زیری ده‌ره‌وه‌ی هۆڵه‌ندا یوری رۆزنتاڵ

وه‌زیری ده‌ره‌وه‌ی هۆڵه‌ندا یوری رۆزنتاڵ ده‌ڵێت باڵیۆزی ئێران له‌ هۆڵه‌ندا ئاگاداری کردۆته‌وه‌ که‌ زه‌هره‌ به‌هرامی ته‌مه‌ن 45 ساڵ رۆژی شه‌ممه‌ له‌ سێداره‌دراوه‌.

به‌رپرسانی ئێران ده‌ڵێن به‌هرامی به‌ تاوانی فرۆشتنی تلیاک له‌سێداره‌ دراوه‌ .

به‌ڵام کۆمه‌ڵه‌ی مافی مرۆڤی چیهانی بنکه‌ له‌ نیویۆرک له‌ زاری کچی زه‌هره‌ به‌هرامی‌یه‌وه‌ ده‌ڵێت، تاوانی مامه‌ڵه‌کردن به‌ تلیاکه‌وه‌ دروستکراوه‌.

چالاکوانه‌کانی مافی مرۆڤ ئاماژه‌ به‌وه‌ ده‌ده‌ن خانم به‌هرامی خاوه‌ن هه‌ردوو ڕه‌گه‌زنامه‌ی ئێرانی و هۆڵه‌ندیه‌، له‌ مانگی 12ی ساڵی 2009دا له‌کاتی خۆپیشاندانه‌کا‌نی تاران دژی دووباره‌ هه‌ڵبژاردنه‌وه‌ی سه‌رۆکی ئێران مه‌حمودی ئه‌حمه‌دی نه‌ژاد ده‌ستگیرکراوه‌.

وه‌زیری هۆڵه‌ندا رۆزنتاڵ له‌سێداره‌دانه‌که‌ی مه‌حکومکرد. ده‌شڵێت هۆڵه‌ندا په‌یوه‌ندی له‌گه‌ڵ ئێراندا بڕیوه‌.

رۆزنتاڵ ده‌ڵێت له‌سێداره‌دانی به‌هرامی کارێکی دڕندانه‌ی ڕژێمی ئێرانه‌ . گوتیشی ئه‌وه‌ی مایه‌ی سه‌رسوڕمانه‌ ڕۆژێـک پێش له‌سێداره‌دانی، په‌رپرسانی ئێران پێان ڕاگه‌یاندم پرۆسه‌ یاسایه‌که‌ هێشتا کۆتایی نه‌هاتووه‌.

وه‌زیری هۆڵه‌ندا ده‌‌شڵێت، به‌و هۆیه‌وه‌ بڕیاردرا هه‌موو په‌یوه‌ندیـیه‌ فه‌رمیه‌کان له‌گه‌ڵ ئێراندا ڕاگیرێت.

سه‌رباری ئه‌وه‌ رۆزنتاڵ به‌نیازه‌ ڕۆژی دووشه‌ممه‌ی داهاتوو داوا له‌ ئه‌نجومه‌نی وه‌زیرانی ده‌ره‌وه‌ی یه‌کێتی ئه‌وروپا بکات هه‌ڵوێستی هه‌بێت به‌رامبه‌ر به‌ ئێران.

باڵیۆزخانه‌ی ئێران له‌ هۆڵه‌ندا به‌رگری له‌ سێداره‌دانه‌که‌ کرد. له‌ بڵاوکراوه‌که‌یدا هاتووه‌ به‌هرامی ئه‌ندامی ده‌سته‌و تاقمێکی نێوده‌وڵه‌تیه‌ که‌ مامه‌ڵه ‌به‌ تلیاکه‌وه‌ ده‌که‌ن، به‌ پاسپۆرتی هۆڵه‌ندی و ئێرانی و ئیسپانی سه‌ردانی ئێرانی کردووه‌ به‌ ناوی جیاوازه‌وه‌.

ده‌شڵێت به‌هرامی که‌ له‌ ئێراندا له‌ دایک بووه‌، به‌ڵام باش چونی بۆ هۆڵه‌ندا ڕه‌گه‌زنامه‌ی ئه‌و وڵاته‌ی وه‌رگرتووه و مافی یاسایی وڵاتی ئێرانی هه‌بووه‌. تاران دان به‌ دوو ڕه‌گه‌زیدا نانێت.

پارێزه‌ره‌ هۆڵه‌ندیه‌که‌ی به‌هرامی، ئادری تێل بۆرگ پرسیار له‌ دادوه‌ری دادگایکردنه‌که‌ی ده‌کات.

ده‌ڵێت ئێران به‌ ڕونی ڕایگه‌یاند که‌ به‌ کۆمه‌کی حکومه‌تی هۆڵه‌ندا دوو پارێزه‌ری بۆ دانراوه‌، به‌ڵام تا ئێستا وه‌ك ده‌ڵێت هێشتا بڕیاری له‌سێداره‌دان نه‌دراوه‌.

یه‌کێتی ئه‌وروپا که‌ ئیستا هه‌نگاریا سه‌رۆکایه‌تی ده‌کات ، نیگه‌رانی خۆی ڕاگه‌یاند به‌ له‌سێداره‌دانی چه‌ندین که‌س له‌ ئێران.

بابه‌تی په‌یوه‌ندیدار

XS
SM
MD
LG